苏州码子

来自 吴语维基百科
蹦到: 导航搜寻

苏州码子,也叫草码,花码、番仔码、商码。是中国古代民间使用个数字。俚脱胎于中国文化历史高头个算筹,也是唯一还来畀使用个算筹系统,产生勒中国苏州。现在勒港澳地区个街市、旧式茶餐厅搭仔中药房难般还好看着。

数字 苏州码子 汉字数字
0
1
2
3
4
5
6
7
8
9

历史[编辑]

苏州码子脱胎于中国文化历史浪个算筹,也是唯一还来畀使用个算筹系统。花码由南宋个辰光从算筹分化而来。搭算筹一样,花码是一种进位制计数系统。跟算筹弗同个是算筹通常用勒数学跟工程浪,花码通常用勒商业领域里向,主要用途是速记。 政府公文(号码为苏州码) 老法头个公文、契约、帐表、官帖、私钞、当票当中还有背书等所有涉及经济方面带有数字个文档中,经常会出现搿种特殊个组合数码,而且广泛用勒政治、经济、军事、商业、工业还有老百姓个生活等各个方面。 据《中国通史》第八卷、第五节《中国数码和零的符号》记载:“我国在商周时期已出现记数的符号,但在很长时期内并未形成一套完整的用于记数和演算的数码。至唐代才开始用数码记数,宋元时期逐步得到完善,其使用也更加普遍。”

影响[编辑]

苏州码子个形成跟中国古代个算筹还有记数数码个演变有交关直接个关系。俚完全是由算筹——记数符号演变而来,到明代成为之完整统一个一种数码,再畀商业界作为暗码使用。到清末民初,广泛应用于民间,后来也畀用于官方。搿点从我伲今朝看到个旧时各种官私账本当中可以看出来,记账侪用苏州码子符号记录个。 苏州码子多用于以前个商业、手工业、当铺、金融业等一切经营活动跟生活中个数字记载、契约个签订还有账务个处理。苏州码子,是中国数字文化演变个产物,是阿拉伯数字勒中国广泛使用前个一种简便、快捷个记录数码,俚比汉语数目字简单好学,比汉语大写数字更加简便,所以好长期勒民间流行。随着阿拉伯数字普遍使用,作为中国发明使用个苏州码子,逐步退出历史舞台。

参考文献[编辑]

  1. 《苹果》直击 茶餐厅收费“一国两制”旅客贵港人六成. 苹果日报. 2011-07-30 [2011-08-01]. "尖沙嘴一间茶餐厅以不同价钱收取不同类型顾客费用。给旅客看的餐牌以阿拉伯数字标价,价格比以传统花码标价给本地食客看的餐牌为高。"
  2. 小学课程纲要 - 数学科 - 六年级上学期,香港课程发展委员会,1983年
  3. 毕, 志夫. 被遗忘的中国传统文化"苏州码子". 河北省国家税务局网站. 2010-02-02 [2011-01-01].
  4. Freytag, Asmus; Rick McGowan and Ken Whistler. UTN #27: Known anomalies in Unicode Character Names. Technical Notes. Unicode Consortium. 2006-05-08 [2008-06-13].
  5. Name Stability. Unicode Character Encoding Stability Policy. Unicode Consortium. 2008-02-28 [2008-06-13].
Commons-logo.svg
维基共享资源里向寻得着搭该篇文章搭界个多媒体资源: