洋山芋

出自维基百科,自由个百科全书
 
馬鈴薯

生物分类法
界: 植物界 Plantae
门: 被子植物門 Magnoliophyta
纲: 雙子葉植物綱 Magnoliopsida
目: 茄目 Solanales
科: 茄科 Solanaceae
属: 茄屬 Solanum
種: 馬鈴薯 S. tuberosum
二名法
Solanum tuberosum
L.

洋山芋,又叫马铃薯,是一种多年生个草本植物。块茎里向有得交关淀粉质,个咾一般性吃是吃块茎个。

历史[编辑]

野生洋山芋原产在拉南美洲安第斯山一带,畀当地印第安人培育。16世纪个辰光是西班牙殖民者先带转欧洲去,1650年洋山芋已经成为仔爱尔兰个主要粮食作物,并开始在拉欧洲普及起来哉。17世纪洋山芋已经成为欧洲个重要粮食作物。1719年由爱尔兰移民带转美国去,开始在拉美国种植。19世纪爱尔兰洋山芋歉收,饿煞脱仔交关人。

17世纪洋山芋已经传播到东亚大陆。由于洋山芋非常适合在拉原来粮食产量极低、只好长莜麦个高寒地区生长,个咾弗多几时就在拉乃朝个内蒙古河北山西陕西北部普及开来。洋山芋搭珍珠米、番薯迭排从美洲传入个高产作物成为贫苦阶层个主要食品,对维持东亚大陆人口个迅速增加起着仔重要作用。

品种[编辑]

洋山芋单单在拉原产地就有几百只品种,世界各地貤弗断培养新品种,乃么目前全世界有几千只品种:有含淀粉比例较高,适合作为主食个,也有适合作为素菜食用个。根据用途,貤培养出交关新品种,花色有白、红、紫等品种,地下块茎有圆形、卵形搭椭圆形,外皮有红、黄、白搭紫颜色。

营养[编辑]

洋山芋含有大量碳水化合物,同时含蛋白质、矿物质(磷、钙等)、维生素等。好当主食,也好当素菜吃,或做辅助食品像洋芋条、洋芋片咾啥,也用来制作淀粉、粉丝咾啥,也好酿酒或者当喂众牲个饲料。

维基共享资源里向寻得着搭该篇文章搭界个多媒体资源: