南京有轨电车是中华人民共和国江苏省南京市个有轨电车系统。截至2024年3月，拢总两条线路，分别是河西有轨电车搭仔麒麟有轨电车，当中河西有轨电车勒拉2014年8月1号开通，麒麟有轨电车勒拉2017年10月31号上半天10点钟开通。南京还规划仔江心洲有轨电车、南部新城有轨电车、建邺高新区有轨电车等线路，溧水区自家也规划仔溧水区低运量有轨公共交通[1]。
目前已开通个线路由南京公共交通（集团）有限公司下头个南京新城现代有轨电车有限公司运营。
