開羅會議

開羅會議期間大元帥蔣中正、富蘭克林·德拉諾·羅斯福搭溫斯頓·邱吉爾合照，1943年11月25號

開羅會議（英语：Cairo Conference），代號「六分儀」會議，也叫第一次開羅會議，是第二次世界大戰個辰光14趟高峰會議之一，會從1943年11月23號開到26號，由中華民國、英國、美國勒埃及開羅召開，三國領導人中華民國國民政府軍事委員會委員長蔣中正、英國首相邱吉爾、美國總統羅斯福出席，商量反攻日本個戰略搭戰後國際局勢個安排，制定盟軍一淘反攻緬甸個戰略搭援華方案，結束過後公佈開羅宣言，要求日本無條件投降，還轉來全部侵佔個土地，塑造戰後東亞個新局勢。開羅會議確立中國成為世界四強個地位，對中國政治浪個意義交關大；戰略方面，雖然會浪決議搭承諾窮多朆實行，行動計劃一直延期搭改脫，最終原歸達成中、英、美三國一淘反攻緬甸個目的。