詹姆斯六世搭一世（英文：James VI & I，1566年6月19号—1625年3月27号），是统治苏格兰（1566年—1625年在位）搭英格兰（1603年—1625年在位）个国王。1603年，接替无后个亲戚伊丽莎白一世成为英格兰个新国王，在英格兰开创斯图亚特王朝并拿英格兰搭苏格兰合勒一道，弗过还是分开来个两个王国。伊统治辰光，清教徒搭国教徒个冲突畀压制，英国开始对北美进行殖民活动。国王想效仿欧洲加强君权，弗过搭议会个冲突呒后势来介激烈。国王有同性媾爱好，欢喜搭卖相好个相公困觉。
