章太炎

年轻辰光个章太炎

章太炎（1869年1月12号－1936年6月14号），原先叫做学乘，字枚叔，是纪念汉代辞赋家枚乘个。后头拿名字改成炳麟。伊有邪气浓厚个反清思想，同时仰慕顾炎武个作风，所以自家号“太炎”。别人通常叫伊“太炎先生”。早年还有一个雅号叫做“膏兰室主人”、“刘子骏私淑弟子”等。浙江余杭人，清朝末年个文化人，同盟会成员，民族主义革命家。

思想特点

搭伊同一个辰光个交关文学家弗大一样，章太炎对传统个文化有邪气大个兴趣，来勒梁启超等人宣传文学改革个辰光，章太炎反过来提倡“复古”。有理论认为，伊迭种思想，搭伊个民族主义观点是分弗开个。