江南丝竹

江南传统器乐丝竹乐个一种，勒江苏南部搭浙江一带流行。一般认为江南丝竹是起源勒苏州太仓。辛亥革命过后，勒上海地区得到之比较大个发展，相继成立之“钧天集”、“清平集”、“雅歌集”、 “国乐研究社”等组织。经常演奏个曲目有《欢乐歌》、《云庆》、《行街》、《四合如意》、《三六》、《慢三六》、《中花六板》、《慢六板》八首，畀称为“八大名曲”。此外，《老六板》、《快六板》、《霓裳曲》、《柳青娘》、《鸽飞》、《高山》、《流水》、《叠层楼》等乐曲也比较流行。江南丝竹个乐队编制一般是7～8人，少则3～5人。

江南丝竹旋律抒情优美，风格清新流畅。笛子演奏注重气息个运用,高音悠扬清远,低音含蓄婉转，音色醇厚圆润，常用打音、倚音、赠音、震音、颤音等技巧润饰旋律。二胡弓法饱满柔和,力度变化细腻,左手惯用透音、带音、左侧音搭勾音，尤其是各种滑音技法，构成之江南丝竹细腻清秀、明快健朗个个性。 江南丝竹流行勒江苏南部、上海、浙江西部一带个器乐曲，乐队以丝弦搭竹管乐器为主，所以称为丝竹乐，至少勒清代1860年以前已经流行勒民间哉。勒搿点地区个城市搭农村侪蛮流行丝竹乐，但不过风格完全弗一样。城市丝竹乐风格典雅华丽，加花较多，流传蛮广；不过农村常用锣鼓，气氛热烈，风格简朴。

历史

勒清咸丰庚申年（1860）《秘传鞠氏琵琶谱》个手抄本当中已经载有《四合》一曲（据说搿个版本问世个辰光还要往上头推溯弗少年）。据研究，《四合》搿一套曲自成一系，现在流行个江南丝竹八大曲当中个《行街四合》、原板《三六》、《云庆》侪搭俚有弗少曲调联系。另外勒公元1895年李芳圆编个《南北派十三套大曲琵琶新谱》中附有《虞舜熏风曲》（俗名老八板）搭《梅花三弄》（俗名三落），搿点曲谱搭江南丝竹当中相关曲目个旋律大致一样。有此可以搿浪讲，至少勒清代1860年以前，江南丝竹乐曲已经勒民间流行哉。1911年后，丝竹乐逐渐以上海为中心，组织之几花演奏团体，譬如说“文明雅集”、“清平社”、“钧天社”等。1920年左右，勒上海城隍庙点春堂举办之一次各地丝竹音乐爱好者集会，到会者竟然有200多个人。上海江南丝竹个班社有“清客串”搭“丝竹班”（上海郊县有称清音班。所谓清客串就是人们勒业余之暇奏丝弄竹以自娱娱人。参加者来自社会各阶层中的丝竹乐爱好者。“丝竹班”分散勒上海郊县，一般勒婚丧喜庆等场合中演出。）

源头

关于江南丝竹个历史源头，也有人认为，明代嘉靖年间，以魏良辅为首个戏曲音乐家们勒太仓南码头创制昆曲水磨腔个辰光，以张野塘为中坚人物组成之规模完整个丝竹乐队，用工尺谱演奏，由昆曲班社、堂名鼓手兼奏，后来逐渐形成之丝竹演奏个专职班社。明万历末勒吴中（苏州地区）形成之新个乐种"弦索"，可以算是江南丝竹个前身。俚搭民俗活动密切结合，有之广泛个群众基础，后正式定名为江南丝竹。

乐器组成

“丝”——二胡、中胡、琵琶、三弦、扬琴、秦琴等； “竹”——笛、箫、笙； 其它——板、板鼓、碰铃。 勒上海郊县个丝竹乐队当中有使用京胡、板胡搭碟子等。

音乐特征

江南丝竹个最大特点就是演奏风格精细，勒合奏个辰光各个乐器声部既有个性又互相和谐，支声性复调织体写法交关有特点。乐曲多来自于民间婚丧喜庆搭庙会活动个风俗音乐，有种是长期流传勒民间个古典曲牌。

遗产保护

江南丝竹音乐个产生搭延续，对民族音乐史个研究及戏曲、民俗文化、群众文化个发展侪有重要个作用。江南丝竹是江南水乡文化杰出个代表之一。

到20世纪六七十年代，传统江南丝竹班社侪自行解散。到现在，70岁以上个老艺人已经相继离世，后继缺乏人才，加上传统曲目传谱交关少，江南丝竹日渐濒危。 两零零六年五月廿日，由江苏苏州太仓市搭上海市联合申报个江南丝竹经过国务院批准列入之第一批国家级非物质文化遗产名录。