捻军
捻军（1853年－1868年）是满清帝国后期，来勒淮河北面，皖北、豫东还有山东搭仔江苏一些区域内个反清流民武装团伙，伊拉个活动，搭南面个太平天国差弗多是同一段辰光，持续活动16年。
得名
[编辑]“捻”迭个形容词，是淮北地方词语，反应个是“一股一伙”个概念，捻军顶早就是“捻子”。来勒满洲帝国辰光，经济衰落、文化落后个皖北、豫东地区，经常有流窜人口活动。伊拉老难畀控制，欢喜装神弄鬼。经常捏纸，拿油脂点燃，烧油捻纸用来作法，于节庆辰光聚众表演，搞驱除疾病、灾难以牟利个把戏。老早个捻子是向乡民募捐香油钱，去买油捻纸。到后头，慢慢发展成恐吓取财、勒索个活动。迭个团伙，也搭盗贼呒啥区别哉。