中山陵

南京中山陵灵堂

中山陵是江苏省南京市一个有名个建筑物。此地埋个是一些人心目当中中华民国个国父、或者讲：中国民主革命先行者孙中山。搭一般个名人墓弗同，此地是一个个陵墓，具体讲，中山陵来勒紫金山南麓，东面挨牢灵谷寺、西面搭明孝陵接壤。孙中山1925年3月来勒北京死脱之後，中国国民党遵照伊个想法，到南京帮伊大兴土木，修造“陵寝”。中山陵从1926年1月开始修造，到1929年春造好祭堂等主要建筑，此年6月1日，孙中山从北京迁移到此地入葬，陵墓个全部工程至到1931年才做完。

中山陵是吕彦直设计个，整体平面是警钟形，含义是孙中山“唤起民众”个政治遗嘱。陵墓设计浪充分利用地势，拿牌坊、陵门、碑亭、祭堂等主要个建筑从低到高依次排列到紫金山南个缓坡高头。迭个建筑也采用中国古代帝王坟墓个方法，用对称布局，利用墓道搭台阶将主要建筑连成轴线，而且，布置大片个绿地，拿陵墓建筑群联接成搭背景山势相称的宏大整体。陵墓主体建筑采用中国古典宫殿式建筑个大屋顶造型，还用西方建筑个设计搭建造技术，用蓝白色调搭敏感分明个建筑构型表现出沉肃杀起色，一些建筑专家，认为迭个建筑是中国近现代建筑史上融合中西个经典作品。中山陵到1961年成为中国第一批全国重点文物保护单位，2007年成为首批國家5A級旅遊景區。