Wikipedia:手傀儡

傀儡，也叫小号，就是搞搞儿用个、同道机器人一色一样个手提傀儡（木偶）。另外，呼朋唤友来参与算真人傀儡，也是违反箇隻规则。

維基百科个預設立場是：所有註冊用戶應只使用一個帳號進行編輯。迭个規定个最大目的，是要制止所有透過使用多重帳號進行偽冒、滋擾搭進行任何違反維基百科方針个行為，同時定義用戶可合法使用多重帳號的情況。啊就是讲，所有不遵守此方針个多重帳號均會被视為操作傀儡。

畀看成操纵傀儡个做法

用戶切记弗好使用多重帳號誤導別人、破壞搭擾亂共識个形成，箇当中包括但弗只箇些做法：

• 伪造民意：多重帐号弗应该用来捏造对某种观点个支持，或者误导其他用户。

• 规避规则：维基百科个各项方针指引个计算单位侪是用户而弗是帐号。假使讲畀发现开傀儡用多重帐号进行破坏，除开傀儡帐号，主帐号也会得受到处分。畀查封个用户也弗应该利用傀儡来绕开查封搭监察，继续编辑或参与破坏。假使讲畀发现个说话，有可能会得延长查封期限。

• 伪装中立评论：用其他账号来勒讨论里向对主账号进行评论。

• 投票：投票个辰光投出超过1票。

畀允许使用傀儡个做法

来勒一眼特殊情况下头，使用多重账号、使用傀儡特别是使用机器人是大家允许个，当然，前提是弗好搞破坏。

• 隐私：假使讲用户编辑一些来勒自家屋里向、社交圈或专业圈里向有争个的条目，而且渠拉晓得自家来勒维基百科编辑，或者根据用户来勒用户页浪公布（或曾经公布过）个资料好晓得真实身份个辰光，用户好选择用另外一只账号进行编辑，生怕编辑影响现实生活。

• 安全：因为公用电脑可能会得畀安装木马程序或键盘记录器等程序盗窃用户密码，用户好创只备用账号省得主账号畀偷脱。迭些多重账号必须方便大家识别，用户页搭对话页要重定向到主账号。

• 维护：用户好用另外只账号进行维护工作，必过必须方便大家识别，写清爽帮主账号个关系，标记Template:傀儡。

• 机器人：机器人或半自动或全自动进行编辑个程序通常是允许开个小号。我㙮建议所有用机器人侪用户都创建只机器人专用账号，来勒Wikipedia:机器人浪进行申请，外加标记。迭能介么，所有程序进行个编辑弗会得来勒近段辰光个改动里向显示。具体参考Wikipedia:机器人。

• 账号被入侵：假使侬无脱账号密码，又或者晓得或担心有人晓得侬账号个密码，侬好另外注册账号，来勒现有账号个用户页里向补充用新账号个关系，再要求管理员弗限期查封所有现有账号。侬好先行创建只证明身份用个乱码唻表明自家个身份，详情请参阅Template:User committed identity。

真人傀儡

覅做人家个手傀儡

真人傀儡指个是邀请一位或一群维基人加入讨论，发表支持邀请人个观点，想用箇隻方法影响共识。另外，也有可能是某位维基人邀请其朋友创建账号或用匿名方式参与讨论。

真人傀儡会误导其他维基人，让渠拉弗清爽讨论参与情况搭各方面个观点。虽然维基百科假定所有用户侪是好心个，我㙮强烈反对所有操作真人傀儡个做法。所有用户假使畀发现同其他用户有相同个行为，或只为咾单一目的进行编辑，就有可能受到帮操作真人傀儡个账号相同个处分。

请留意操作真人傀儡是樁邪气严重个指控，呒没证据弗要随便做出箇种指控。