Wikipedia:吳語消息/頭一期
- 恆大㑭香港高院清盤 中國恆大㑭香港高等法院頒布命令清盤，旗下个三爿公司停牌。判詞話恆大資弗抵債，重組方案欠缺細節，嘸沒理由再畀佢扯辰光。
- 藍綠兩黨拉攏民衆黨 臺灣第11屆立法院立委將會在2月1號報到並且選出新个正副院長。國民黨搭民進黨全在1月29號拜會着民衆黨，因爲兩黨个席位全朆過半，擁有8隻席位个民衆黨成爲關鍵少數。
- 中港兩地民商判決互認 1月29號，內地搭香港相互認可搭仔強制執行民商事案件个判決。箇隻協議是五年前頭簽个。香港是唯一一隻搭中國內地互相認可搭執行民商事判決个司法管轄區。
- 聯合國近東救濟工程處陷入爭議 前蹌裏以色列指控聯合國近東救濟工程處（UNRWA）个12位員工參加舊年10月7號哈馬斯對以色列个襲擊，美國等多個國家暫停提供資金畀近東救濟工程處。聯合國秘書長古鐵雷斯話加沙个兩百萬人个援助受到威脅，敦促各國重新考慮，並承諾倘使發現員工參與襲擊會得懲罰。
- 香港開始「廿三條」立法諮詢 1月30號，香港行政長官李家超召開着記者會，宣布開始廿三條立法个公衆諮詢工作。佢話港府計劃會得立定搭「完善」多隻罪，包括叛亂、披露國家秘密、間諜、搭境外干預罪。所謂个「境外干預罪」會得禁止隨便啥人配合境外个活動來「干預」香港事務。
- 馬斯克个公司完成腦機芯片植入 伊隆·馬斯克1月29號話，佢个Neuralink 公司作成着世界丄頭一趟人類大腦芯片个植入。箇隻實驗㑭美國FDA批准。實驗細節發表扗23年5月个Nature期刊丄个。
- 歐洲農民抗議 1月29號，法國个農民開扗佢拉个農機，擔法國主要个高速公路封脫爻，來表達對政府个弗滿。《衛報》報導話，農民要求畀農產品定價鈿更加公平恁，政府也要補貼農用柴油搭仔爲有機農戶提供援助。在扗前趟，獨國(德國)个農民也在國內抗議，反對政府取消柴油搭農用車个優惠。
- 中國民航局2月1號開始調整M503航線，調整之後个航線貼近臺海中線，臺灣方面對箇樁事體抗議。關於箇條航線，雙方曾經在15年、18年就發生過爭議。
- 1月30號，以色列个士兵裝成功醫生，在扗西岸地區个一隻醫院裏丄殺着三個巴勒斯坦个武裝人員。
- 泰國憲法法院裁定泰國前進黨个有關於修改王室誹謗法个競選承諾違憲，可能禁止其領導人參加政治活動，甚至解散前進黨。前進黨在2023年泰國大選裏丄贏得着頂多个票數。
- 2月1號臺灣立法院長選舉，韓國瑜當選。民衆黨朆參加第二輪个投票，國民黨憑借席位个一眼優勢當選。
- 2月1號，西九龍法院裁定2019年社會運動裏丄參與衝擊立法會相關个四個人暴動罪成。
- 2月1號以色列國防部長話，會繼續望南推進到加沙搭埃及个邊境丄个城市拉法(Rafah)。路透社話，加沙230萬个居民有得一半軋扗居拉法，要是以色列進攻拉法，巴勒斯坦个平民就嘸末場化好去爻。路透社還話，2月1號美國國務院擔4個㑭指控參與西岸暴力活動个以色列人制裁爻，白宮扗聲明中話，會得對襲擊搭恐嚇巴勒斯坦人以及沒收巴勒斯坦人財產个個人實施金融制裁搭簽證限制。
- 2月1號，歐盟通過着200億歐圓對烏克蘭个援助。之前馬喬爾國（匈牙利）堅持反對，歐洲各國關於箇樁事體壓力，講要是馬喬爾國非要否決，可能扣留對佢个全部援助貸款或者暫停佢个否決權。
- 2月2號，中國滬指一度跌破2700點。中國股市進入2024年之後一直在許跌，到現在跌幅有得7%到10%爻。《第一財經》報導，中指院發布个1月百城房價數據顯示，二手房平均價鈿環比跌着0.56%，連續廿一個號頭環比下跌；同比个跌幅擴大到3.96%。