Python

来自维基百科
蹦到: 导航搜寻

Python是公開源碼程編語言,佢造起望去好望,讀起也省力。佢是一個名字Guido van Rossum個程序員來1991朞造起。箇語言出箇名字是來一個電視節目名字Monty Python's Flying Circus之後,無數例子搭教程包括笑玩都搭箇節目有相干。

Python 是一種解釋語言。解釋語言允許程編員畀代碼交畀電腦,電腦佢會自己正確別代碼。意思也便是講程編員想改程序,結果便一記勿望勒着爻。箇對Python新手來講猴好,程序寫起來猴快。 因爲爾勿用編譯代碼來別,編譯會浪費無數辰光。不過也是箇原因,計算機每次都要曉得代碼妝解某,怪得Python是猴慢個一種語言。有兩時,佢比C语言慢上200倍。

Python也是高档程编语言。高档语言有高等特色,让程编员搭电脑讲妆解某,甮管电脑搭低档语言向怎儿做做。赫写起程序来咦快咦省力。一许用Python写代码个语法从C语言搭学来,Python 也好别一许C个代码。

句法[编辑]

Python有猴好读个句法。一许从C语言里来,因为Python便是用C语言写个。一个大地方弗样:Python用缩进划分代码:用空格要勿制表符组织代码。意思也便是搭C语言样,每排个后髋都甮分号,也甮「{}」来分代码。结果是Python变成猴好读个语言。

用法[编辑]

Python有讲千上万个程编员用,用得无数荡地。有两记便只Python个代码有用场,不过大部分时间,Python用来做简简单单个事干,各许程编语言用来做还烦难个任务。

安装Python到,会同时安装Python个标准库,佢包括无数个函数。网上有无数各许库,使得Python做个事干还多。个许库让Python变成一个强大个语言。佢好做无数弗样个事干。

Python道道用来做个许事干:

  • 网页开发
  • 游戏程序
  • 桌面 GUIs
  • 科学计算程编
  • 网络程编

例子[编辑]

箇是Python3.4.3個一個小例子。佢會畀"Hello World!" 囥到屏幕上。

print("Hello World!")

# This code does the same thing, only it is longer:

ready = True
if ready == True:
    print("Hello World!")

Python 也做一個叫做「動態變量賦值」個物事。意思是來程序裏向一個數字要勿一個單詞,程編員勿用講是解某變量(類型), 箇個好處便是箇變量好轉用,不管佢用來存解某,調來調去猴快。下向個例子便是同個意思。段代碼會用一個變量同時存放數字搭單詞。

x = 1
print x
x = "Word"
print(x)

徠靜態類型裏向,比方講C語言,程編員缺指定X是數字也是單詞。