大卫•斯卷极麦斯特
（从David Strajmayster转戳到箇里）
David STRAJMAYSTER（大卫•斯卷极麦斯特，1972年12月1号生）生勒勒耶路撒冷。伊有名是有名仔勒创作幽默电视剧萨萌妲，哦哟，勒法国，比利时搭加拿大播出。
个人信息[编辑]
1974年辰光，伊爷娘从以色列到仔比利时，勒布鲁塞尔定居。伊爷娘开仔一家照片店。伊有两个姊妹：奥利托、达夫娜。
拿着市场营销文凭，接下去伊做仔几份工，有做谷斯谷斯（一种杂粮）送货员，卖鞋子，快餐店里向做...
后来，伊寻着一份工，勒Club Med里向做个DJ，接下去一步一步升职，做负责人、培训人员。伊得知有份工作专门让人发笑，决心做下去。也是勒勒搿敦，伊碰着Guillaume CARCAUD。勒Club Med做仔一龙总6年工夫。
伊到巴黎发展事业，但是两年也朆做出啥名堂精，最后伊报仔一个演员培训班"Côté Cour"，学着哪亨塑造喜剧人物搭非喜剧人物。
好得搿只培训班，伊帮法国电视M6台做勒几个节目，勒里向伊演超级英雄，学会做录像。搿段辰光里向，伊瞎弄弄勒2003年做出来萨萌妲，哦哟原型。伊拨了Xavier PUJADE-LAURAINE看，碰着一批高素质演职人员，最后成功勒法国2台播出。