2025年陝西蒲城抗議

2025年陝西蒲城抗議是一樁因中華人民共和國陝西省渭南市蒲城縣一名學生仔来勒學堂宿舍樓自家跌下去死脫引發個大規模抗議。起因是學堂個處理方式讓家長弗滿意，家長懷疑學生個死搭欺待有關係，認爲學堂隱瞞事實真相，得到仔一些人個認同，大批民衆集中抗議，搭警方發生衝突。部分媒體稱箇樁事件個規模是“兩年來最大”。

事件經過

2025年1月2號凌晨3點，陝西省渭南市蒲城縣職業教育中心个一间宿舍里向，有人发现宿舍阳台窗下头摆仔张小板凳，窗开开来，宿舍里向少脱一個人，往下头一望，死勒窗外楼下头。家長到學堂要求看自家小囡阿末一眼，必過學堂搭派出所個人一开始弗讓家長看，有媒体表示学堂搭派出所还開始監視伊篤。 後些来學生家長来勒殡仪馆檢查屍體個辰光，發現頭頸下頭有烏青，懷疑學生畀欺待畀弄死个。另外，根据媒体报道，有幾名目擊個學生表示，死者是畀宿舍同學從樓浪推下去个。

调查结果

1月5号，蒲城县联合调查组发布通报，表示公安机关经进行现场勘查、调阅监控、调查走访、尸表检验，认定死者是高空落下去死脱个，目前排除刑事案件。

怀疑

疑似死者亲属来勒抖音高头发长文表示，事发当天，死者个娘接到通知，呒没搭以讲到校原因，只让伊去学堂。来勒学堂里向，伊一直呒没看到自家小囡，来勒教室里向等仔几個钟头弗让离开，接下来直接畀送去殡仪馆。伊表示死者身上有多块乌青，想拍照片畀阻止。後些来多趟要求再探视死者，侪畀拒绝哉。此外，知情学生仔个手机搭仔智能手表畀没收脱>。

抗议

1月4號開始，死者家屬開始勒浪學堂個門口組織抗議，要求學堂公佈真實信息，当地有人跟咾去抗议。。

1月5号，死者个舅舅畀警察带勒跑，现场事态升级，民众喊“放人”。

1月6號，去现场个轧闹猛个人多唻吓死人，政府出動警察，搭抗議市民發生衝突。示威个人冲破警方个防线，冲进学堂一顿破坏，拿办公室、食堂等设施侪敲坏脱。一名畀认为是蒲城职中副校长张文平个中年男子畀邪打，畀送上救护车以后，示威个人尝试推翻救护车，拒绝救护车继续救人。後些来，抗议得到控制。