2024年金门渔船翻脱事件

出自维基百科，自由个百科全书
搜救个辰光拍下来个呒没名字呒没注册个船

2024年金门渔船翻脱事件，指个是2024年2月14号下半天一点多，一艘从中华人民共和国猫进中华民国福建省金门县海域捕鱼个呒没名字呒没注册个快艇，畀中华民国海巡署第九海巡队查。结果箇艘快艇拒绝检查，逃个辰光翻脱，4家头落拉海里向，当中2個人呒没抢救转来。金门地检署初步认定死脱个两家头侪是淹死个，必过案发个过程还需要继续调查[1]。

调查[编辑]

事故原因方面，20号前，台灣海巡署一直勒拉将是箇艘快艇拒绝检查「蛇行」不当心翻脱个，呒没讲到撞咾啥个[2][3]

地检署检查相关个海巡队巡防艇，发现伊呒没安装固定个摄影器材。海巡队亦向检方表示，事发个辰光並呒没录像个纪录[4]。2月20号，地检署跟媒体表示，海巡队方面同伊讲个是：因为追个辰光邪气短，侪开唻邪气快，海巡队还来弗及掏出器材录像就撞拉一道多埭，快艇就翻脱哉[4][5][6]。紧跟咾，海巡署发仔篇新闻稿，证实勒拉高速追逐个情况下头，两艘船确实有过多趟接触[7]。

2月21号，活下来个船员接受大陆方面采访，讲船是畀海巡署撞翻个，表示邪气生气[8]。夜到头，海巡署对伊讲个提出四点声明，讲会得“将全案交由司法机关调查，目的就是希望将全案事实，忠实呈现家属与社会大众前”[9]。

2月22号，海巡署又公布无线电录音，指出是大陆箇艘快艇拒绝停船，大转弯以后亲拉海巡署船个右前方，翻脱拉个[10]，必过录音内容弗全，畀人质疑[11][12][13]。

后续[编辑]

2月19号下半天，金门个“初日号”游艇勒拉经过金门县大二胆海域、五通水道附近个辰光，碰着福建海警局，伊拉登船临时检查仔约莫30分钟。海巡署连忙派巡逻艇到现场，同箇艘游艇一道回转到金门个码头[14]。必过国民党立委陈玉珍勒拉立法院表示，伊同海巡署发现初日号跑出限制水域“超过半海里”哉，伊呼吁渔民搭仔观光船勒拉本国水域里向开，弗要出去瞎跑[15]。

2月20号下半天，国民党立委王鸿薇勒拉脸书浪爆料，讲中国大陆个海监船8029开进金门个禁限制水域来哉，批评海委会、海巡网站缩拉后头。海巡署回应证实确实有箇桩事体，派出3556艇，用无线电搭仔艇外广播器告诫，伴航驱离[16]。21号，伊又讲马祖海域有2艘中国大陆海警船跑进禁限制水域来哉，海巡署表示箇些船侪勒拉限制水域外头，一切正常[17]。

参考[编辑]

  1. ↑ 蔡家蓁 (2024-02-17). "陸籍漁船拒檢翻覆2死 金門地檢透露首次相驗結果" (in zh-tw). 聯合新聞網. Retrieved 2024-02-19. 
  2. ↑ 黃任強 (2024-02-21). "中國漁船翻覆2死　倖存者控台灣海巡「衝過來頂翻」釀禍" (in zh-tw). 時報周刊. Retrieved 2024-02-21. 
  3. ↑ "台改称海巡队曾与闽渔船碰撞" (in zh-hk). 星島日報. 2024-02-22. Retrieved 2024-02-22. 。
  4. ↑ 4.0 4.1 金門地檢相驗第九海巡隊報驗之 2 死案件新聞稿 (2024-02-21).
  5. ↑ 蔡家蓁 (2024-02-20). "陸船翻覆2漁民罹難 金門地檢首度證實海巡值勤未錄影". 聯合新聞網. 
  6. ↑ 廖炳棋 (2024-02-21). "認了！海巡署對外證實 高速追逐下「船身多次接觸」" (in zh-tw). 聯合新聞網. Retrieved 2024-02-21. 
  7. ↑ "金門海域陸快艇翻覆兩死！海巡坦承多次碰撞翻覆". 三立新聞網. 2024-02-21. Retrieved 2024-02-21. 
  8. ↑ 玉淵潭天 (2024-02-21). 独家采访:生还渔民揭露台粗暴对待大陆渔船真相.
  9. ↑ 廖炳棋 (2024-02-21). "複訊時「無意見」？生還陸漁民控遭海巡艇撞翻 海巡署晚間提四點聲明" (in zh-tw). 聯合新聞網. Retrieved 2024-02-21. 
  10. ↑ 金門事件一文掌握》海巡署公布23秒關鍵錄音！陸漁船大角度甩尾「撞上CP艇」　金廈海域爭端引爆中國網友怒火-風傳媒 (zh) (2024-02-22).
  11. ↑ "案發時間有落差 海巡坦承記錯了" (in zh-Hant-TW). Yahoo News. 2024-02-22. Retrieved 2024-02-26. 
  12. ↑ "台方公布金门渔船事件发生时无线电录音！因内容不全再遭质疑_部门_执法_台湾". www.sohu.com. Retrieved 2024-02-24. 
  13. ↑ 海洋委員會海巡署 (2024-02-23). 有關報載「有關案發時間有落差 海巡坦承記錯了」乙節，海巡署相關說明.
  14. ↑ 松仁 (2024-02-20). "中国海警强制登检金门一游轮，金厦水域两岸对峙升级". 美國之音. Retrieved 2024-02-20. 
  15. ↑ 鄭媁 (2024-02-20). "金門遊艇遭陸海警登檢 藍委曝海巡證實「越界半海哩」" (in zh-tw). 聯合新聞網. Retrieved 2024-02-20. 
  16. ↑ 翁至成 (2024-02-20). "王鴻薇爆「陸海監船闖金門禁限制水域」 海巡署證實了" (in zh-tw). 聯合新聞網. Retrieved 2024-02-21. 
  17. ↑ 蔡家蓁 (2024-02-21). "傳馬祖遭陸海警船包圍？ 海巡署澄清一切正常：都在限制水域外" (in zh-tw). 聯合新聞網. Retrieved 2024-02-21. 
取自“https://wuu.wikipedia.org/w/index.php?title=2024年金门渔船翻脱事件&oldid=313356”