2007年7月12號个巴格達空袭

搭箇行動同型號个阿帕契長弓直升機

2007年7月12號，来勒伊拉克战争當中，两隻美國陸軍个AH-64阿帕奇直升机来勒巴格达新巴格达个阿明塔尼亞發動一串空對地攻擊。2010年4月5號，維基解密畀39分鐘个機密个第一視角射擊視頻公布以後，箇襲擊事件受到世界天下个報導搭爭議，引发全球对袭击个合法性搭仔道德性个讨论。維基解密自家畀箇視頻謳作「連帶謀殺（英语：Collateral Murder）」。

内容

影片里向拢总有三段攻勢：

• 第一段攻击中，直升機飞行员聲稱报告發現一群伊拉克人，当中二家头拿便携式防空导弹（RPG）搭仔AK-47（人群中，路透社个攝影記者纳米尔·努尔-埃尔迪恩个远摄镜头貤畀错认成RPG哉），直升機连忙用30毫米口径机炮扫射人群，当场打死七人、重伤三人。
• 第二段攻击紧跟咾第一段，直升机来勒空中盘旋，看到第一轮扫射以後路透社戰地採訪司機赛义德·切马格还呒没死，飞行员期盼地讲：“你現在要做个就是拾起武器。”（All you gotta do is pick up a weapon），好让伊拉有借口再开火。一部面包车路过，车上司机同乘客下车试图拿伤员抬上车，飞行员却汇报个是“（救人个人）看起来赛过会得拾走武器同尸体”，请求开火，上级口头批准以後再用机炮连续两次扫射在场个人。接下来美军地面部队赶到，来勒车子里向發現救人个一子一女重伤送医，其他人侪死脱哉。
• 第三段攻击發生勒别个地方，一名手里捞勒AK-47个男人走进一棟破败个民房，还有一名平民随便走過民房个门口，直升機直接发射几枚AGM-114地狱火导弹拿整栋楼炸脱。

外部链接

• 維基解密《附帶謀殺》（Collateral Murder）官方影片網站 档案，存勒互联网档案馆当中。（2021年5月5号）
• 救人遭殺的休旅車司機及其子女的新聞材料 档案，存勒互联网档案馆当中。（2021年5月5号）
• 半島電視台深入分析影片 档案，存勒互联网档案馆当中。（2021年5月6号）（原題：Collateral Murder? l Jazeera English in-depth analysis）