齐武帝萧赜（440年—493年8月27号），字宣远，是南北朝辰光南齐第二位皇帝，齐高帝搭刘皇后个长子。482年4月11号到493年8月27号在位，年号是永明。伊是南齐史上统治辰光顶长个皇帝，任内施行检籍、与民休息，将南齐个国势推到高峰，史称永明之治。必过，检籍影响交关人个利益，永明三年（485年），富阳唐寓之因为检籍个辰光被查出来假冒户籍，叛乱，导致永明八年（490年）决定停止检籍。493年8月，伊死脱后谥武皇帝，庙号为世祖，葬勒景安陵。
