黄现璠
黃現璠（吳語拉丁字：Hŭaq-Jēvē，1899年11月13号—1982年1月18号），壯族人，嗯乃是中國現代知名個民族學家搭歷史學家。撥後人認為亦是“壯族歷史之父”搭仔 “八桂學派個創始人”。勒1957年反右運動裏向，撥中共打成仔壯族頂頂大個右派。勿殼張俚一腳到1979年個辰光，始撥中共平反[1]。
學歷[编辑]
1899年11月13號生勒廣西扶綏縣個蠻貧寒個屋裏。俚勒小個辰光，家母末死哉，撥阿爹撫養長大。早年勒扶綏縣完成中學個教育。1922年入廣西省立第三師範學堂學習。畢業後，考入北京師範大學預科。1932年畢業個辰光得到歷史學個學士學位。然後，弗拿考試破格入讀北京師範大學研究院，1935年研究生畢業。一塌括子勒北京師範大學讀仔九年書。同年，嗯乃到日本，勒浪東京帝國大學個大學院學習東洋史。
經歷[编辑]
1937年11月嗯乃從日本歸國後，歷任廣西大學、中山大學、國立桂林師範學院、廣西師範學院(現廣西師範大學)等校個史學教授。嗯乃是中國壯族頂早個大學教授。1982年1月18號逝世勒廣西桂林，活83歲。俚個骨灰盒撥廣西壯族自治區人民政府放入南寧革命陵園個第一室。[2]
曾經擔當個職務搭仔參與個社會組織[编辑]
俚勒1943年後，曾任歇“黔桂邊區考察團”搭“黔南邊民考察團”個團長；中央民族訪問團中南訪問團廣西分團個副團長；廣西少數民族社會歷史調查組個”副組長兼壯族組組長；第一屆中國人民對外文化協會個理事，全國人大個代表、全國人大民族委員會個委員、中央對外文化聯絡委員會個委員。中國民族學學會個顧問、中國西南民族研究學會個顧問搭百越民族史研究會個副會長；《中國大百科全書·民族》編輯委員會個委員；第五屆全國政協個委員；漓江業余大學個校長。