鸠兹广场站

鸠兹广场站外头个相

鸠兹广场站，勒拉中国安徽省芜湖市，是一座单轨车站，勒拉中山北路、黄山中路、北京西路圈起来个地里向，是芜湖轨道交通1号线搭仔2号线个换乘站。

鸠兹广场站勒拉芜湖市中心顶闹猛个地方，再加浪截止2024年，箇站是芜湖轨道交通1号线搭仔2号线唯一一個换乘车站，故咾伊是芜湖轨道交通系统里向顶繁忙个站头。

车站结构

鸠兹广场站是地上三层车站，一楼是出入口搭仔商业设施，二楼是车站大堂，三楼是车站站台，当中隻岛式站台好乘坐1号线去白马山搭仔2号线；两面两隻侧式站台，北面隻是畀乘1号线去保顺路站个乘客用个，南面隻是2号线个备用站台，还呒没开。所有站台侪有半高屏蔽门。

车站西南面是芜湖轨道交通控制中心大楼，车站西面高头是芜湖轨道交通调度大厅，伊拉侪跟车站共构设置。