鸟篆

出自维基百科,自由个百科全书

鸟篆是篆书个一种,俚个笔画由鸟形替代,弗仅装饰风格独特,还有深刻个象征意义。以飞鸟来书写表达之中国古人所推崇个一种为人之道。鸟不仅代表之守信个人格,也是信息传递迅速个象征。鸟篆个名称由来:篆体古文字。形状像鸟个爪迹,所以搿浪叫。

历史[编辑]

鸟书是中国象形书法之一,一直搭虫书并称。以鸟为图,每个字是以几花鸟型连贯构成个。清咸丰八年杨灏所书“祖赐百福”中,就有鸟书一体。查证春秋战国个辰光个鸟书,三千多年前青铜器时代个产物,刻勒铜器浪或系插图个一种艺术字演变。鸟虫篆是拿汉字篆书线条表现形式转换成装饰性个鸟形、虫形搭鱼形等动物纹饰,或者拿笔画盘曲、缠绕,让俚像抽象个动物形状个一种文字。 鸟书勒春秋中后期到战国时代盛行于吴国越国、楚国、蔡国等南方国家,鸟书多见于青铜器铭文,湖北宜昌附近出土个越王勾践剑,上头个八字铭文就是鸟形字。

搭吴越个关系[编辑]

目前大概有264个弗重复鸟篆,有种是形体蜿蜒细长,有种是勒常用字形体浪附加或融合以鸟形为主个装饰成分。鸟篆出现勒春秋中期,盛行勒春秋、战国之际,到战国末期就慢慢较变少哉。现存资料表明铭鸟篆文器物最早出现勒楚国。之后受到楚文化个影响吴国搭越国也出现鸟篆,其中越国铭鸟篆器物数量最多,体现之鸟篆个地域文化特点。目前发现个铭鸟篆器物大多数侪是吴国搭越国个,鸟篆也是古代吴越地区重要文化组成部分,其中最出名个鸟篆器物就是越王勾践剑