鳕鱼战争

来自维基百科
跳到导航 跳到搜索

鳕鱼战争(冰岛闲话:Þorskastríðin,英文:Cod Wars)讲的是1958年到1976年冰岛英国两只国家个渔业冲突。

原因[编辑]

18世纪60年代,欧洲对鳕鱼个捕捞量越来越大,特别是英国,当时辰光大多数个鱼侪是垃冰岛海域畀捕捞个,欧洲蛮多国家侪捕得老结棍,冰岛一看弗得了,哪能拿伊拉生存个物事抢脱,乃末就开始了箇战争。

过程[编辑]

第一趟鳕鱼战争[编辑]

1944年,冰岛垃丹麦个统治下头以保护国个地位独立,伊拉觉着应该好好利用自家老丰富个渔业资源(特别是鳕鱼)来变成繁荣富强个现代化国家。1958年伊宣布拿领海扩展到距海岸12海里个范围。1958年8月30好是冰岛政府畀其他国家船只离开海域个最后期限。除脱英国,其他国家个船侪离开了箇块地方。为了保护自家个渔船,英国皇家海军派除了37艘舰艇、7000多名水手护航渔船。比起英国,冰岛个军队好讲是邪气弱。但英国政府考虑到两国同为北大西洋公约北约)成员国,假使冲突升级箇就𪥸搞了。箇末英国只好坐下来帮冰岛谈话。

1961年,英国正式承认冰岛12海里领海线。但冰岛还是弗满足,讲伊要进一步扩大领海,并礼节性个畀英国3年个调整辰光。

第二趟鳕鱼战争[编辑]

1971年,冰岛又宣布禁渔界限扩大到50海里。英国气弗过,乃末鳕鱼战争再趟爆发。1年辰光,冰岛舰艇帮渔船用割断渔网、炮轰船只个法子驱逐外国渔船,亨八冷打有69艘英国渔船严重受损,伊又派遣7艘主力舰恫吓冰岛,但冰岛非但弗让步,还讲要帮英国断交。北约意识到冲突个严重性,乃末对英国施压,英国呒没办法只好熬牢。

第三趟鳕鱼战争[编辑]

1974年,因为冰岛鳕鱼捕捞量大幅下降,为了保护日渐枯竭个鳕鱼资源,冰岛宣布禁渔区域扩大到200海里。1975年12月,英冰两国再趟开战。箇趟冲突持续了5个号头,欧洲共同体也紧锣密鼓地进行调停。但是英国仗着自家结棍个海军实力,毫不让步。

1976年2月,欧洲共同体垃等待中失去耐心,公开宣布欧洲各国个海洋专属区侪限定垃200海里里向。垃箇种情况下头,英国弗得弗承认200海里个经济专属区。冰岛宣称个200海里个海洋界限,畀定义成专属经济区后头垃1976年获得广泛承认,后面大多数国家也宣布自家个200海里海界,箇战结束后,冰岛开始了对箇块地方海底石油个开采。