高桥松饼

一盘子高桥松饼

高桥松饼，上海市浦东新区高桥镇个四大名点心之一。高桥松饼面皮层多，酥皮有8到12层，箇咾也有千层饼个讲法。

高桥松饼个历史好追溯到清朝光绪年个辰光，由早期个塌饼变化过来个。1983年，高桥松饼成为上海市优质产品。1985年，高桥松饼获得商业部颁发个食品博览会银奖。2010年6月份，高桥松饼畀上海市浦东新区文化广播影视管理局评为非物质文化遗产项目，伊也同时入选上海市第一批非物质文化遗产保护名录。高桥松饼现在已经实现机械化生产，有多家松饼生产商，比方讲高桥食品厂、正兴食品厂咾啥个。