食餅筒
食餅筒，貤謳济公卷饼，是台州个傳統食物。佢是圓筒樣子，有白色搭綠色兩種，裡頭包各類料頭。台州人一般勒在端午、立夏、五月十三、七月半、搭春節咾啥个節日喫箇个。[1][2]
叫法
[编辑]食餅筒是臨海、路橋、仙居个謳法，临海貤謳麦油脂[3]，宁海叫麦焦筒、麥餃筒[4]，天台謳饺饼筒[5]，乐清、玉环謳錫餅[1]，三门貤謳麦焦。[6][7]，另外也有叫食饼筒、麦筒煎、麦镬个。[1][8]
做法
[编辑]麵皮
[编辑]食餅筒中，「拭餅筒」是白个，用米粉搭麥粉做起；「麥餅筒」是綠个，用地莓（鼠麴草）、苧麻葉或者各許植物磨个粉，搭糯米粉做起。[9]
料頭
[编辑]食餅筒个料頭一般包括雞蛋絲、紅燒肉、豆腐乾、黃鱔、綠豆芽、包心菜、炒肉咾啥个，但實際上自家鍾意个菜蔬都好囥進去。天台、三門、臨海許宕地還會把食餅筒囥鑊扗煎朞。
来源传说
[编辑]勒垃天台，有话饺饼筒是济公发明个，也有话是畀戚继光送吃食个当地人想出来个方法。[2]
勒垃乐清，锡饼有隻传说，是王、张两隻大户人家，原本王家浪个囡儿荷花搭张家个才子张生定仔终身大事，结果一盆火拿张家烧成穷光蛋，跑到王家还畀王家人锁勒书房里向想拿伊饿煞。荷花为仔拿张生救出来，想出来第种薄饼夹物事个想法，拿薄饼当成纸头送进去。阿末是好个故事结局。[1]
風俗
[编辑]《溫嶺縣誌》中央有寫，端午時節，溫嶺人家頭戶加戶都喫食餅筒，只有少數人家喫粽。[10]
在七月半，玉環一帶有做食餅有拜祖先个習俗，沙門人做食餅要拜完才好喫。
1955年2月份，玉環沿海岛浪个千把居民跟咾大陈岛人、中華民國政府搬到台灣去爻，佢班人勒台灣屏東建起一隻“玉環新村”，畀喫食餅筒个風俗也帶過去爻。[11]
保护
[编辑]2009年6月份，乐清个东乡锡饼用“温州小吃”个名字写进温州市非物质文化遗产名录里向。[1]
2021年6月份，台州食饼筒进仔第八批台州市非物质文化遗产代表性项目名录[12]；2023年1月份，伊升格进仔浙江省第六批省级非物质文化遗产代表性项目名录里向[13]，保护单位是台州御清斋食品有限公司咾啥个机构，2022年6月份辰光还有得传承人叫张菊文[14]。
參考資料
[编辑]- 1 2 3 4 5 "东乡锡饼：以“纸”传情 以味传承". 2022-05-25. Retrieved 2026-08-31.
- 1 2 饺饼筒. 台州党史网 (2022-11-28). 访问日脚2026-08-31.
- ↑ 临海文旅 微信公众号 (2025-07-05). 临海美食界的“卷王”！没有人不服！ (zh-hans). 访问日脚2026-08-31.
- ↑ 宁海特色小吃～前童麦焦筒. 下厨房. 访问日脚2026-08-31.
- ↑ 饺饼筒. 天台县人民政府. 访问日脚2026-08-31.
- ↑ l 台州风味小吃. 台州党史网 (2020-08-07). 访问日脚2026-08-31.
- ↑ 【文化遗产保护目录】台州市市级以上非物质文化遗产代表性项目名录. 台州市人民政府 (2024-07-12). 访问日脚2026-08-31.
- ↑ 地方名点饺饼筒，美味威名传四方 (2015-08-29). 访问日脚2026-08-31.
- ↑ https://m.xiangha.com/techan/205000.html
- ↑ 溫嶺縣誌編纂委員會. 温岭县志. 第二十六篇 風俗 宗教 方言 第一章 風俗 第三節 歲時習俗 (杭州: 浙江人民出版社) 。
端午 家家食麥餅，飲雄黃酒……少數人家於是日吃粽子。
- ↑ 记者 陈驹耀 见习记者 缪书培 (2016-06-28). "难忘故土，台湾有个“玉环新村” 逢年过节还要吃“锡饼”" (in zh-cn). 台州晚报. Archived from the original on 2019-05-02.
- ↑ 台州市人民政府关于公布第八批台州市非物质文化遗产代表性项目的通知. 台州市人民政府 (2021-06-24). 访问日脚2026-08-31.
- ↑ 关于台州市申报第六批省级非物质文化遗产代表性项目拟推荐名单的公示. 台州市人民政府 (2022-06-07). 访问日脚2026-08-31.
- ↑ 关于拟列入第八批台州市非物质文化遗产代表性项目代表性传承人名单公示. 台州市文化和广电旅游体育局 (2022-06-07). 访问日脚2026-08-31.