靶子山

靶子山也叫垃圾山，是勒拉中华人民共和国上海市虹口区广中路广粤路路口附近个一座人工山。伊1940年代形成个，是伊个辰光上海北部地区个工业垃圾堆起来个一座山。1950年代末，上海市区个部分生活垃圾搭仔建筑垃圾再次堆拉箇埭，山个面积扩大到87亩，高约40米。中国人民解放军士兵曾勒拉箇埭练习打靶。1970年代末开始，箇面弗再当成靶场，山也开始围起来，一般人弗允许随便上山。1987年，周边造了只叫凉城新村个住宅小区，其他地方个垃圾弗再堆拉箇埭哉。1988年，改造成绿地，弗過依然弗对外开放。後些來因为一直勒拉落雨，靶子山个山体一度松动塌陷，拿一星围墙敲坍脱。