雅各布·祖玛

雅各布·祖玛

雅各布·祖玛（祖鲁语：Jacob Gedleyihlekisa Zuma；1942年4月12号生），简称JZ，族名Msholozi，南非政治人物，非洲人国民大会主席，曾做过南非副总统、南非总统。

1999年6月17号，伊有得總統塔博·姆贝基个任命，去做南非副总统。2005年6月，祖马个前财务顾问谢克勒法庭丄承认，伊曾经行贿拨祖马130万兰特（大概19万美金）畀自家个生意开路。外加，祖马还拨怀疑收过一家法国军火商个贿赂，帮对方逃避南非政府个调查。6月15号，南非总统姆贝基就拿祖马个副总统职务撤脱哉。到仔同年12月，祖马又拨人告伊强奸罪。必过祖马一直勿承认，讲搿是姆贝基个政治迫害。2008年9月，法院表示箇星指控有政治目的，拒绝审理，必过上诉法院勒2009年1月推翻仔搿隻决定，祖马弗得弗继续打官司。一直打到2009年4月，对伊个指控才正式撤销脱。

2009年5月9号，伊作为非国大党主席当选南非总统，一路连任到2018年非国大党正式要求渠辞职。2月14号，也就是非国大党正式要求渠辞职个第二天，祖马宣布辞职，话自家箇能做是为咾維持執政黨个團結咾啥个。

2021年6月29号，祖马因为藐视法庭畀判坐15隻号头个监牢。7月7号，祖马自首，送到埃斯特科特个惩教中心服刑，结果伊支持者弗满意箇结果，发起抗议，演变成骚乱。9月份，司法部门正式确认祖马15隻号头个刑期。因为伊提出保外就医咯，就箇保外就医啊是合法辰光，哪能算伊个服刑辰光，一直到伊刑期结束仔一隻号头以后最高法院才敲定，必过懲教署还上诉弗承认最高法院个方案。2023年8月11号，懲教署赦免伊箇刑期。