阿曼历史
阿曼垃拉阿拉伯半岛东端，是一个历史悠久个国家。
上古时代[编辑]
阿曼地区拉上古时代称作“马干”，是著名贸易地区。前6世纪，波斯阿契美尼德王朝一度占领过阿曼北部沿海地区。6世纪，萨珊王朝再度入侵。
建国[编辑]
7世纪，伊斯兰教传入阿曼，咾快当地各部落便皈依了迭种新兴宗教，成为阿拉伯帝国个一部分。弗久，阿拉伯帝国内乱，阿曼各部落属哈瓦立吉派个易巴德派，搭倭马亚王朝对立。750年，倭马亚王朝被推翻，754年，阿曼各部落获得阿拔斯王朝许可，可以独立选举伊玛目。迭标志着阿曼国家个初步形成。
9世纪末，阿拔斯王朝占领阿曼，取消渠个自治，后头阿曼直到11世纪末刚刚才恢复独立，由马立克王朝统治。1429年，易巴德派重新确立拉阿曼个统治。后头一段辰光里向，阿曼成为阿拉伯海上最强大个贸易王国。
国内纷争[编辑]
1507年，葡萄牙入侵阿曼，占领马斯喀特。1550年，奥斯曼帝国海军一度夺回马斯喀特，但葡萄牙人拉1553年再度胜利。1615年，阿曼当地反抗力量拉纳赛尔·伊本·穆尔希德率领下建立雅鲁卜王朝，对抗葡萄牙。
1650年，雅鲁卜王朝夺回马斯喀特，并定都拉此。1717年，波斯内乱，阿曼乘机向波斯湾北部发展势力。1722年，阿曼伊玛目伊本·赛义夫二世去世，国内两派争夺王位，引来波斯入侵。1737年，波斯占领马斯喀特。1749年，艾哈迈德·本·赛义德率军夺回马斯喀特，统一全国，建立阿布·赛义德王朝。1792年，阿曼分裂，阿布·赛义德王朝占据马斯喀特，自立为苏丹，史称马斯喀特苏丹国，阿曼内地各部落重新选举伊玛目，建立阿曼教长国。
走向鼎盛[编辑]
1806年，赛义德·伊本·苏尔坦即位苏丹，渠拉英国支持下先是打败了瓦哈比教派个入侵，后建立强大舰队，击败印度洋传统强国葡萄牙，夺取了渠莫桑比克以北个所有据点。拉渠个统治时期，阿曼拉非洲个大湖地区殖民地得到发展，外加阿曼从奴隶贸易中获利。拉19世纪，作为一个地区商业帝国，阿曼控制了桑给巴尔岛搭斯瓦西里海岸。1834年，赛义德·伊本·苏尔坦迁都桑给巴尔，称桑给巴尔苏丹国。阿曼一跃成为印度洋个霸主。
1856年，赛义德·伊本·苏尔坦去世，渠个两个儿子分别掌管马斯喀特搭桑给巴尔，1861年，两地正式分裂。
随着19世纪中期，英国宣布奴隶贸易非法之后，阿曼个命运开始逆转。阿曼经济开始崩塌，交关多家庭移居桑给巴尔。拉19世纪50年代至70年代，马斯喀特个人口从55000人降到8000人。
英国保护[编辑]
1868年，阿曼教长国攻占马斯喀特，1870年，马斯喀特苏丹拉英国援助下方才夺回首都复国，自此沦入英国控制。1891年，英国搭马斯喀特苏丹签订条约，苏丹承认英国个保护权。
1920年9月25号，英国搭马斯喀特苏丹同阿曼教长国签订西卜条约，承认阿曼教长国个独立。
1949年，因阿曼教长国境内发现石油，英国搭马斯喀特苏丹同阿曼教长国再度陷入紧张。1955年，马斯喀特苏丹拉英国支持下灭阿曼教长国。1962年，英国搭法国发表声明，承认阿曼是独立国家。
独立以后[编辑]
1967年，马斯喀特苏丹国改名马斯喀特搭阿曼苏丹国。
1970年，卡布斯·伊本·赛义德发动政变，推翻渠父亲赛义德·本·泰穆尔，自任苏丹。8月9日，改国名为阿曼苏丹国。
1996年，拉国内各势力个要求下，卡布斯·伊本·赛义德颁布相当于宪法个《国家基本法》。
2000年9月，10万名阿曼人民选出83个候选人，担任Majlis Al-Shura议员。