阿拉斯加航空1282号班机事故

事故飞机门塞落下去以后个豁口

阿拉斯加1282号航班事故，发生垃2024年1月5号，阿拉斯加航空一班从波特兰国际机场飞往安大略国际机场个定期国内航班。起飞后弗久，箇部飞机上一扇呒没用个紧急出口浪个机身组件飞出去，导致飞机快速减压，飞机豪𢜶飞回波特兰国际机场。事故当中呒没人伤亡。箇趟事故是波音737 MAX系列复飞以来第一趟事故。

事体发生以后，阿拉斯加航空主动临时停飞渠机队里向全部65架同型号个飞机，必过第二天（1月6号）中午复飞当中18部最近刚检修过紧急出口个MAX 9。美国联邦航空管理局发布了紧急适航指令，要求737 MAX 9飞机全部停飞，对紧急出口安全门做过检查以后才好复飞；当天夜到头，阿拉斯加航空再貤停飞先前复飞个18架飞机。

欧洲航空安全局、英国航空监管机构等也表示，会得要求所有运营737 MAX 9飞机个航空公司遵守美国联邦航空管理局指令个要求，先检查再复飞。