长门国

长门国地理位置

长门国（日文：長門国〔長門國〕／ながとのくに ^{Nagatonokuni */?}），是日本奈良時代之後，隸屬山阳道個一個令製國，又畀叫做长州。长门国个范围，包括乃朝山口县个西北半部。

啥道理叫长门国

长门地区，勒古代畀叫做“穴门”，有辰光，也好写作“穴户”。

根据《日本书纪》记载，大化6年（650年）穴户国司（草壁丑经）向天皇献上白雉。天智4年（665年），日本文献当中第一趟出现长门国。

具体范围

明治维新之前，长门国个范围，包括乃朝个山口县下关市、萩市、长门市、美祢市、山阳小野田市、阿武郡以及山口市个一部分（旧阿东町）、宇部市个大部分。

著名势力

战国时代，此地先后畀大内氏搭毛利氏统治，江户时代，此地成为毛利氏控制个根据地之一，毛利氏个大名，就住在萩市，毛利个势力，也因为迭个道理，畀叫做“长州藩”。