长江口二号

长江口二号，是一艘沉拉中国大陆上海市崇明区横沙岛东北部横沙浅滩水下个清朝同治年间个古沉船。伊是目前中国国内发现个体量顶大、保存顶完整、船载文物数量巨大个古代木质沉船。2015年个辰光，上海市文物局用声纳扫测等技术发现伊，畀伊起了只考古编号“长江口二号”。“长江口一号”是较早发现个，勒拉“长江口二号”南面个一艘中华民国大陆时期个铁质军舰沉船。

2022年3月2号开始打捞，同年11月21号整体打捞出水。打捞上岸后，伊会得畀文物局送去勒拉杨浦滨江个上海船厂旧址1号船坞，跟箇个船坞一道改造成沉船考古基地搭仔古船博物馆。