长刀之夜

出自维基百科,自由个百科全书

长刀之夜(德语:Nacht der langen Messer)或蜂鸟行动(Operation Hummingbird)又称血洗冲锋队,拉德语中更常被称为罗姆政变(德语:Röhm-Putsch),是一个发生拉德国1934年6月30号到7月2号个清算行动,纳粹政权进行了一系列个政治清洗,大多数死亡者为纳粹冲锋队成员。

希特勒因无法控制冲锋队个街头暴力并认为渠对渠个权力个威胁,所以想要去脱冲锋队搭渠个领导者恩斯特·罗姆。此外,渠还想安抚怕搭讨厌冲锋队个国防军高层,特别是当罗姆企图想要奈国防军纳入自家领导个冲锋队下头。最后,希特勒清算渠个政权个政敌,特别是忠于副总理帕彭个人马。