铜川路水产市场

铜川路水产市场，老底子上海顶大个水产市场，来勒上海市普陀区铜川路曹杨路路口，1996年10月份由新长征集团晋园实业有限公司造个，市场占地面积14000平方米，建筑面积8000平方米，有400隻摊位，50间门面房。2016年10月31号，铜川路水产市场关脱哉，原址改造成隻叫“明日光谷”个真如绿廊开放式公共绿地，原来个商贩弗少跟咾搬去宝山个江杨水产市场（大江杨）、江阳水产市场（小江阳）搭仔浦东个凌海国际市场哉。