铁扇公主

铁扇公主是中国古典小说里个虚构人物。

来拉《西游记》第五十九回《唐三藏路阻火焰山　孙行者一调芭蕉扇》开始出现，开头叫“铁扇仙”，后首再明确叫“铁扇公主”——樵子笑道：“这芭蕉洞虽有，却无个铁扇仙，只有个铁扇公主。”

铁扇公主蹲拉芭蕉洞里，持有一把芭蕉扇，好煽灭火焰山个火焰。渠是牛魔王拉家主婆、红孩儿拉嬢。

来拉《南游记》第十二回《华光与铁扇公主成亲》里，铁扇公主则设计为凤凰山玉环圣母拉女儿、山成拉阿姐，持有一把铁扇。后首搭华光成婚。

来拉借鉴《西游记》交关元素个日本动漫《七龙珠》里向，姬姬（Chichi）隐隐较搭铁扇公主有眼相似。不过渠设计为牛魔王拉女儿，芭蕉扇则是问牛魔王拉师父龟仙人借个。后首搭孙悟空成婚。