钱弘佐

吴越忠献王钱弘佐（928年－947年），字符祐，五代时期吴越国君主.

生平

钱弘佐是吴越文穆王钱元瓘个第六个倪子，存世个第二个倪子。宝正三年七月廿六号养勒杭州吴越王宫功臣堂，娘是许氏。 钱元瓘一开始立第五个倪子钱弘僔为世子，还勒杭州城东北帮俚造之世子府。一日钱弘僔搭钱弘佐勒王宫青史楼博彩，世子讲“君王方为我营府署，愿与若博之”。骰四掷，钱弘佐得六赤色，世子失色。钱弘佐讲“五哥入府，弘佐当将符印之命”，世子变色，拿骰盘丢到楼下去哉。天福五年钱弘僔死脱，追赠孝献世子（世子府改为瑶台院），而钱弘佐得封镇海、镇东节度副使、检校太傅。 后晋天福六年（941年），钱元瓘死脱，钱弘佐勒搿一年九月庚申勒王宫倦居堂即位。十一月，后晋拿俚封为镇国大将军、右金吾卫上将军、员外置同正员、领镇海镇东等军节度使、检校太师、兼中书令、吴越国王，食邑一万户，实封一千户。天福七年赐保邦宣化忠正戴功臣，加食邑七千户。天福八年赐吴越国王玉册。 后晋开运二年（945年），闽国内乱，钱弘佐派军搭南唐瓜分闽国，占领福州。 钱弘佐欢喜读书，性情温顺，蛮会做诗。即位后，因为年记还小，呒没办法控制下属个骄横，又曾宠信谄媚个人，但不过终能摘奸发伏，也弗失果断。 后汉天福十二年（947年）六月辛卯，钱弘佐勒王宫咸宁院西堂死脱，终年只有廿岁，在位七年。后晋赠谥忠献王。吴越上庙号成宗。因为俚个倪子还小，所以由俚个兄弟钱弘倧继位。

倪子

富水侯 钱昱 西平侯 钱郁