钱俶

来自维基百科
跳到导航 跳到搜索

吴越忠懿王钱俶(929年-988年)初名弘俶,字文德,小字虎子,五代十国个辰光吴越国文穆王钱元瓘第九个倪子,吴越最后一位国王。

生平[编辑]

钱弘俶是吴越文穆王钱元瓘第九个倪子,宝正四年八月廿四号养勒杭州吴越王宫功臣堂,俚个娘是吴氏。累授内牙诸军指挥使、检校司空、检校太尉。开运四年出镇台州。忠逊王即位过后,召钱弘俶回到杭州做同参相府事,住勒南邸。 后汉天福十二年(947年)十二月三十号(阳历为948年2月12日),吴越将领胡进思趁吴越王钱弘倧夜宴将吏个辰光发动政变,钱弘倧畀软禁起来,钱弘俶畀胡进思迎立为吴越王。乾祐元年正月乙卯,钱弘俶勒杭州吴越王宫天宠堂即位。乾祐二年十月,后汉册封钱弘俶为匡圣广运同德保定功臣、东南面兵马都元帅、镇海镇东等军节度使、浙江东西等道管内观察处置使兼两浙盐铁制置发运营田等使、开府仪同三司、检校太师、兼中书令、杭州越州大都督、上柱国、吴越国王,食邑一万户、实封一千户。 钱弘俶嗣位三十几年,期间恭事后汉、后周搭北宋。后周广顺元年(951年)后周加封钱弘俶诸道兵马都元帅,加食邑一千户、实封三百户,翌年封天下兵马都元帅,加食邑二千户、实封五百户,改授推诚保德安邦致理忠正功臣。 后周显德三年(956年)正月,钱弘俶奉后周世宗诏,出兵攻打南唐。显德五年四月,杭州城南火失,拿内城也烧脱,官府庐舍侪畀烧脱,钱弘俶住到都城驿。后来因为大火马上要烧到镇国仓,再叫官兵伐林木,火势再畀控制。尽管火失损失惨重,吴越还是勒搿个月头向后周进贡绫、绢各二万匹,银子一万两;搿一年七月又向后周进贡银五千两、绢一万匹、龙舟一艘、天禄舟一艘,侪用银来装饰;十一月又进贡贺正钱一千贯、绢一千匹。周恭帝加封钱弘俶为崇仁昭德宣忠保庆扶天亮功臣。 宋建隆元年(960年)正月,后周殿前都点检赵匡胤称帝,改国号为宋,遣使宣谕吴越。搿一年三月,钱弘俶改名钱俶,来避开赵匡胤个爷赵弘殷名讳。建隆元年四月,赵匡胤封钱俶为天下兵马大元帅,加食邑一千户,实封五百户。乾德元年钱俶向宋朝进贡犀角、象牙各十株,香药十五万斤,珍珠、玳瑁器皿几百件,宋朝改赐钱俶为承家保国宣德守道忠贞恭顺忠臣,加食邑一千户、实封四百户。乾德二年加封食邑一千户、实封四百户。搿一年十一月宋朝伐后蜀,钱俶派孙承佑领军队搭宋会师。 开宝元年(968年),宋朝重新封钱俶为吴越国王,加食邑一千户、实封一百户,十二月再加封三千九百户,实封三百户。开宝四年加食邑二千户、实封六百户,改赐钱俶开吴镇海崇文耀武宣德守道功臣。开宝七年(974年)七月,宋太祖诏钱俶出兵帮宋朝攻打江南国(南唐),钱俶带军队亲征,攻打常州城。第二年五月,宋朝赐钱俶守太师、尚书令,加食邑两千户、实封九百户。 吴越对宋谨遵事大之礼,世子钱惟濬四次出使宋朝,宋太祖也几次赐钱俶御衣、剑佩、玉带、玉鞍、金银器、锦绣、金锁甲、御酒、马、羊、驼等物什,还有生辰礼物。 开宝九年(976年)正月,钱俶携王妃孙氏、世子钱惟濬从杭州出发,到汴京觐见宋太祖,宋太祖勒礼贤宅帮钱俶造之府第。钱俶贡通犀玉带、宝玉金器五千余件、上酒一千瓶、银十六万两、绢十一万匹、乳香五万斤,宋太祖赏赐钱俶黄金照匣、黄金钞锣、金二千两、银三万两、绢二万匹,赐以剑履上殿、诏书弗名之礼。宋太祖勒迎春苑宴请钱俶,再许以“尽我一世”搭“誓不杀钱王”个闲话。搭钱俶辞行,宋太祖赏赐锦衣、玉带、玉鞍、玳瑁鞭,搭金银锦彩廿几万、银装兵器八百多件,又赐王妃金器三百两、衣料二千匹、银二千两。又畀钱俶黄袱一件,嘱曰“途中密视”。钱俶中途开袱检视,侪是宋朝诸臣劝说扣留钱俶个奏章。当年五月、十一月,宋朝又两次加封钱俶食邑八千户、实封两千户。 开宝九年十月,宋太祖勒宫里向突然驾崩,晋王赵光义即位,为宋太宗。太平兴国二年(977年,宋太宗即位即改元)三月封钱俶为尚书令、兼中书令、天下兵马大元帅。

太平兴国三年二月,钱俶从杭州出发,再次入宋朝觐。宋太宗勒长春殿赐宴,喊南唐后主违命侯李煜、南汉末帝恩赦侯刘鋹陪座。钱俶上吴越军甲器物名册,又请辞天下兵马大元帅,宋太宗弗许。五月乙酉,宋丞相崔仁冀劝钱俶上表纳土,否则祸患立至。钱俶就马上上奏,献吴越国十三州、一军、八十六县、户五十五万六百八十、兵一十一万五千三十六畀宋。 宋太宗升扬州为淮海国,虚封钱俶为淮海国王,食邑一万户、实封一千户,还是充天下兵马大元帅、守太师、尚书令、兼中书令,授宁淮镇海崇文耀武宣德守道功臣,赐剑履上殿。王世子钱惟濬为节度使兼侍中,其他各个倪子也侪畀封为节度使、团练使、刺史等官。吴越幕僚宰相以下拜官个人有两千五百多个。 钱俶献土之后住勒东京礼贤宅,弗断畀宋太宗召入宫中赐宴、击球,还多次赏赐金银器、水晶、玛瑙、珊瑚、珍珠、龙涎香、贡茶、银、钱、绢等物什,加食邑二万户、实封两千户。太平兴国四年,钱俶随宋太宗征北汉。雍熙元年改封汉南国王,加食邑两千户、实封两百户。 雍熙四年宋太宗改封钱俶为武胜军节度使、南阳国王,出居南阳,赐玉带、金唾壶;之后又加封为许王,加食邑一万户、实封两千户,赐安时镇国崇文耀武宣德守道功臣。端拱元年改封钱俶为邓王,加食邑一万户、实封三千户。 端拱元年(988年)八月廿四号,钱俶六十大寿,宋太宗遣皇城使李惠、河州团练使王继恩至南阳,赐钱俶生辰礼物。钱俶搭使者宴饮交关开心。搿日天傍晚,钱俶勒南阳住宅西轩让左右读《唐书》,又喊子孙颂诗,忽然因风眩发作,勒四漏个辰光薨逝。有说法怀疑俚是畀毒杀脱个。 钱俶死脱个辰光个封号是安时镇国崇文耀武宣德守道功臣、武胜军节度使、邓州管内观察处置等使、开府仪同三司、检校太师、兼中书令、使持节邓州诸军事、行邓州刺史、上柱国、邓王、食邑九万七千户、实封一万六千九百户、赐剑履上殿、诏书弗名。宋太宗为之俚废朝七日,追封秦国王,赐谥号忠懿,葬勒洛阳贤相里陶公原。宋真宗个辰光,特诏追赠钱俶为尚父。有司请以礼贤宅为司天监,真宗弗许。

倪子[编辑]

钱惟濬,字禹川。吴越国册为世子,封镇海镇东亮军节度副大使、检校太保、钤辖两浙管内土客诸军事、检校太傅、建武军节度使、检校太尉。入宋后封淮南节度使、检校太师、兼中书令、萧国公。性放荡无检,因沉溺酒色而早卒,追封邠王,谥安僖。子钱守吉官至西京作坊使、钱守让官至东染院使。

钱惟治,字世和。本为忠逊王钱弘倧长子,被钱俶收为己子。累封两浙牙内诸军指挥使、判军粮营田事、德化军使、宁远军节度使、检校太尉。钱俶及世子入宋朝觐,命钱惟治为权国事。入宋后封镇国军节度使、知真州府兼兵马都部署、右武卫上将军、左骁骑上将军、左神武统军,追赠太师、彭城郡王。书法工二王,草隶尤绝。

钱惟演,字希圣。入宋后封右神武将军,累任翰林学士、工部侍郎、枢密副使、太子宾客、工部尚书、兵部尚书、保大军节度使、中书门下平章事、判许州、武胜军节度使、泰宁军节度使、崇信军节度使,追封英国公、赠侍中。子钱暄封冀国公,孙钱景荣臻封会稽郡王,曾孙钱忱封荣国公。

钱惟济,字岩夫,入宋后封恩州刺史、东染院使、封州刺史、永州团练使、知成德军、检校司空、虔州观察使、吉州防御使、知定州,升武昌军节度观察留后。追赠平江节度使,谥宣惠。

钱惟渲,入宋后封韶州团练使

钱惟灏,入宋后封贺州团练使

钱惟溍,入宋后封左龙武将军、演州刺史

钱惟漼(钱从释),法名净照

囡兒[编辑]

长女,夫河东裴祚

次女,夫钱塘元象宗

第三女 夫汝南慎从吉

第四女 夫富春孙浦

第五女 富春孙诱

第六女

第七女