金山线
（从金山卫铁路支线转戳到箇里）
金山线即金山支线，狭义上是指乃朝一条垃拉中国上海市境内、由松江区车墩镇通往金山区金山卫镇个铁路。而金山铁路指上海南站到金山卫站个运行系统，箇個运行系统由沪春线（上海南线）、沪昆线、新闵支线、金山支线组成。
箇条线是为咾配合上海石化总厂个建设工程，勒拉1970年代造个，是连接金山卫工业区同闵行个铁路支线。铁路从新闵支线闵行西站出发，一路向南到金山卫西站，全长43.4千米，是Ⅱ级单线铁路。1973年12月25号，金山卫铁路支线动工，1974年5月份线路造好，同年9月份开始局部通车，到1976年头一座跨黄浦江个大桥松浦大桥竣工，全线纔正式通车[1]。金山支线沿途有闵行西站、叶榭站、山阳站、金卫东站同金卫西站五個车站，主要满足上海石油化工总厂个货运需求，同时也带些市郊通勤客运。
2004年2月29号，原铁道部同上海市联合签署《关于加快上海铁路建设工作的会议纪要》，改建利用既有金山铁路支线，全线按I级铁路、双线电气化干线设计，设计时速最高160公里/钟头，部分路段设计时速最高100公里/钟头，增建二线，还需要勒拉黄浦江浪新造一座金山铁路黄浦江特大桥，原松浦大桥浪个铁轨拆脱；还特谓新造金山卫站做终点站[2][3][4]。2012年9月28号，金山铁路正式勒拉现在复线化个沪春线（上海南线）、沪昆线、新闵支线同金山支线浪开通运营。
参见
[编辑]参考文献
[编辑]- ↑ 上海铁路志：金山支线. Shtong.gov.cn (2003-12-25). 原始文档勒2021-03-13存档. 访问日脚2018-11-29.
- ↑ 金山铁路支线9月28日运营 金山站更名为金山卫站. 陶鼎. 上海市金山区人民政府 (2012-09-05). 原始文档勒2013-12-30存档. 访问日脚2012-09-05.
- ↑ 上海金山鐵路改建開工 經9站達金山僅半小時[链接坏脱]
- ↑ 金山支线验收报告（含验收意见）.
箇篇文章內容忒少哉，儂要是畀佢修改搭補加內容便最好哉。