邮政日戳

邮政日戳，也话邮戳，是邮政机关表示辰光搭地点个一种章。一般性个邮戳是圆个，上面半圈是国名或者是地名，下面半圈是邮电局个名字或者是交换局个名字，在其当中是日期搭钟头。对有严格时效性个邮件，邮戳是送出日脚辰光个证明。收集邮戳是集邮里向必弗可少个一项内容。现在邮政系统来勒电子化，也出现仔电子邮戳箇种新物事。