邮政回执

邮政回执（法语：Avis de réception，缩写A.R.），是邮政个一种单子，有些寄物事个人要看见收件人个签字或者是印章，箇個辰光邮电局就会畀其迭张单子。用个辰光，寄件人要勒上头写自己个地址搭名字，还有箇隻挂号邮件个号码。勒邮件签收个辰光，会让收件人先来勒箇张单子丄签字或者是盖章，再退畀寄件人。邮政回执一开始是勒在18世纪末出现个，1875年畀邮政总联盟采用，然后勒1879年畀其个继任者万国邮政联盟采用。