迎恩门（绍兴）

绍兴迎恩门水陆城门

迎恩门为浙江省绍兴市古城西北角个城门，南宋嘉定十六年（1223年）造个，清代改叫伊西郭门。伊还有水门，是历史上从杭州进绍兴个水陆通道，有讲啥古代所有朝廷个人来侪要走箇扇门，箇么叫迎恩门。

老个城门近代拆脱哉，今朝箇只城门是2001年环城河改造个辰光重新造个，有水陆城门、敌楼、生聚阁搭仔送贤堂，高21米，高头是欧阳中石写个“浙东屏藩”匾额。门外（西面）有吊桥，水门外有明代古桥迎恩桥。

参考

维基共享资源里向寻得着搭该篇文章搭界个多媒体资源：

迎恩门（绍兴）