费迪南德·马科斯

费迪南德·马科斯

费迪南德·埃曼努埃尔·埃德拉林·马科斯（他加禄语：Ferdinand Emmanuel Edralin Marcos，1917年9月11号—1989年9月28号），菲律宾政治人物、独裁者，1965年到1986年统治菲律宾长达20年。1972年戒严令发布仔么有几乎所有权力。马科斯当初因主张经济搭社会改革上台，结果任期上实行军事独裁，贪污严重，压制反对派，让渠成为近当代全世界最具争议个政治人物之一。

马科斯老早勒垃政治丄自家讲是"菲律宾获奖顶多个战争英雄"，後来发现侪骗骗野人头个"。第二次世界大战结束仔么，伊去做律师，1949年到1959年勒菲律宾众议院做议员，1959年到1965年勒参议院做议员。后首来，伊勒1965年菲律宾总统选举里向成功当选总统。

上台以後么，马科斯搞仔一套靠借外国钞票来个基础设施发展计划，让伊勒第一任期里向蛮受欢迎个，不过引发通货膨胀，弄得唻第二任期社会乱哄哄。1972年9月23号，马科斯勒伊第二个任期结束前宣布菲律宾进入戒严，戒严令勒1973年通过蛮有争议个公民投票正式批准。搿段辰光里向，宪法改脱哉，媒体侪拨压杀，政府用暴力打压政治反对派、穆斯林、疑心是共产主义个人还有普通老百姓。

1981年菲律宾总统选举里向，马科斯又连任，做到第三届。因为1983年开始经济崩脱哉，再加上反对党领袖参议员阿基诺畀人暗杀引发公愤，马科斯个名声一落千丈，1984年菲律宾议会选举里向，反对派重新闹起来，再加上伊个财务账户搭假个战争记录畀爆出来，马科斯只好决定勒1986年宣布提前大选，必过还是引发1986年2月个人民力量革命，拿伊赶下台。生怕支持搭反对马科斯个军队勒马尼拉动武，美国总统罗纳德·里根通过参议员保罗·拉克萨尔特叫马科斯"一刀两断"，马科斯后首来就搭家人一道逃到夏威夷，阿基诺个老婆科拉松接任总统。

根据善政总统委员会提供个文件，马科斯家族从菲律宾中央银行偷仔50亿到100亿美元，马科斯搭俚个家主婆伊梅尔达·马科斯一直保持勒吉尼斯世界纪录里向政府盗窃案顶大个记录。