费尔南多六世

费尔南多六世

费南笃六世（西文：Fernando VI de España，1713年9月23号-1759年8月10号），雅号审慎者(西文：el Prudente），是西班牙波旁王朝第三个国王，1746年到1759年当中统治西班牙王国。伊是费利佩五世搭第一个老婆生出来个第三个儿子。1729年搭比自家大2岁个葡萄牙公主布拉干萨个芭芭拉立在巴达霍斯主教堂完婚。因为本身是三儿子，所以老早伊爸爸也嘸想过让伊即位。弗过，因为自家阿哥先后死脱，自家阿爸还被迫出山重新即位，之后，就拿伊作为西班牙个王太子，封阿斯图里亚斯亲王。个辰光，费利佩五世重新结婚，搭第二任老婆关系好，对新出生个儿子（后势来个卡洛斯三世）宠爱，所以，伊个继承人地位也收到过威胁。为此，伊慢慢产生精神抑郁个毛病，只有听歌剧缓解。1746年继承大位之后，费南笃六世改变自家爸爸欢喜参加欧洲争霸个路数，剥离王太后个意大利廷臣，让西班牙休养生息。弗过，伊自家个精神毛病一直朆变好，加上自家老婆身体变推板，导致自家个身体也一道衰落下去。1758年，王后死脱，伊悲伤过度，精神失控。拒绝处理国家大事，第二年也死脱，之后，伊个同父异母阿弟即位，是为西班牙波旁王朝鼎鼎有名个明君卡洛斯三世。