谢列梅捷沃国际机场

谢列梅捷沃国际机场是俄罗斯莫斯科主要个国际机场之一，拿客运量来比排勒俄罗斯全部机场第二名（勒多莫杰多沃之后），箇个机场也是欧洲前廿大机场之一。坐落勒莫斯科个西北面，勒莫斯科州希姆基区边浪，希姆基同洛博尼亚市当中。A, B, C航站楼距离列宁格勒公路13公里，D, E, F航站楼距离9公里。谢列梅捷沃是俄罗斯航空个基地。

谢列梅捷沃机场一道有六个客运航站楼: A（公务机航站楼）, B（老底个一号航站楼）, С, D, E, F（老底个二号航站楼），另外还包括货运航站楼。B, C, D, E, F航站楼个运营商是谢列梅捷沃国际机场开放式股份公司，A航站楼属于谢列梅捷沃机场个子公司“Avia Grupp”。箇公司个股份83,04%归国有，另外个部分归俄罗斯航空，对外经济银行同俄罗斯对外贸易银行。谢列梅捷沃机场个总经理是米哈伊尔·华西连科（2005年5月12号至今）。