让-贝德尔·博卡萨

让-贝德尔·博卡萨（法语：Jean-Bédel Bokassa；1921年2月22号—1996年11月3号），也叫博卡萨一世或萨拉赫丁·阿迈德·博卡萨，中非政治人物，1966年发动政变推翻渠表弟戴维·达科个政权，成为中非共和国个军事统治者（从1966年1月1号开始执政），后来成为中非帝国个皇帝，1979年被法国人推翻。

博卡萨箇人残暴得呒没闲话讲，伊个皇宫里向有个动物园，养仔交关猛兽，拿政治犯囥勒箇𡍲，喂拨狮子搭鳄鱼吃；还有消息讲，伊搭乌干达总统伊迪·阿明一样，欢喜拿人肉当小菜。博卡萨还是8家中非帝国勿同公司企业个董事长，畀自家修仔幢私人城堡，勒瑞士搭法国买下来十几栋房子、别墅、庄园，勒巴黎还有交关私人汽车。博卡萨结仔13趟婚，每结一趟婚就到处刮钞票，拼命搜刮老百姓个血汗钱。就为仔加冕皇帝，拿国库搬空，还欠仔一屁股个债。加冕仪式结束仔么，公家单位一连几隻号头拿弗着工钿。后首来，连大学生个奖学金、助学金也侪停脱哉。为仔填补国库还债，博卡萨还要预收三年个税。伊登基前所谓个开君主立宪制帝国个大话也朆实现过。