西班牙历史

西班牙历史从伊比利亚个史前时期开始，当中经历第一个全球性帝国——西班牙帝国个崛起搭衰落，搭到乃朝作为一个主权独立个君主立宪制国家，搭欧盟成员国个现状。

早期时代

人类拉欧洲居住个最早记录是拉西班牙个阿塔普埃尔卡山发现个，此里出土个化石大约来自于120万年期。现代人种中个克罗马农人拉3万5000年前开始从比利牛斯山脉北部进入伊比利亚半岛。

拉后头个几个世纪里向，扬帆而来个腓尼基人、希腊人搭迦太基人成功个拉伊比利亚半岛个地中海沿岸定居下来，并建立商业据点。大约公元前11世纪，腓尼基商人拉靠近塔特苏斯（Tartessos）个地方建立商业据点加的斯。公元前9世纪，第一批希腊殖民地，如恩波里翁（Emporion），拉伊比利亚半岛东部个地中海沿岸建立。希腊人以埃布罗河（Iber，西班牙名为Ebro）为迭片地区取名伊比利亚（Iberia）。公元前6世纪，迦太基人抵达伊比利亚半岛，最初搭希腊人，弗久之后又搭初来乍到个罗马人争夺西地中海个控制权。渠拉最重要个殖民地是卡塔赫纳（新迦太基）。

罗马统治时代

拉罗马共和国晚期，渠个统治下个伊比利亚半岛被分为远西班牙搭近西班牙；而拉罗马帝国时期，伊比利亚半岛则被划分为东北部个塔拉哥那、南部个贝提卡（大致相当于今朝个安达卢西亚）搭西南部个卢西塔尼亚（相当于今朝个葡萄牙）。

凯尔特人搭伊比利亚人侪被弗同程度个罗马化，当地个首领也被吸收进罗马个贵族阶层。

西哥特人统治时期（410－721年）

罗马帝国衰亡之后，日耳曼诸部落开始侵入帝国疆域，其中数个部落后来拉欧洲各地定居下来并继承罗马人个遗产，建立多个王国。伊比利亚半岛自410年之后就为西哥特人所统治。

穆斯林统治时期搭收复失地运动（711－1492年）

到711年，阿拉伯人搭柏柏尔人侪改宗信仰到伊斯兰教，渠拉8世纪已经拉北非占据主导地位。当时，一支由塔里克·伊本·齐亚德率领个突击队被派往伊比利亚半岛介入西哥特王国个内战。拉横渡直布罗陀海峡之后，渠拉拉711年夏取得一场决定性个胜利，拉迭场胜利中，西哥特王国国王罗德里克被击败并于当年7月19号拉瓜达莱特战役（the Battle of Guadalete）中被杀。塔里克个上司——穆萨·本·努萨伊尔随后带领大批增援部队横跨海峡。到718年，穆斯林已经控制半岛个大部。

西班牙王国

随着收复失地运动个持续进行，基督教诸王国搭侯国个势力得到弗断增强。到15世纪，卡斯蒂利亚王权（领有伊比利亚半岛个西北部搭中部地区）搭阿拉贡王权（领有半岛东北部地区）成为其中最强大个势力。两个国王搭葡萄牙、法国搭其他邻近国家个统治者展开政治联姻。

西班牙帝国

西班牙帝国是近现代历史上第一个全球性帝国。渠也是世界历史上规模最大个帝国之一。拉16世纪，西班牙诸国搭葡萄牙是欧洲进行环球探险、殖民扩张搭开拓跨洋商路个急先锋。当时西班牙搭美洲大陆之间个跨大西洋商路搭途径菲律宾个东亚搭墨西哥之间个跨太平洋商路邪气繁荣。西班牙征服者摧毁阿兹特克文明、印加文明搭实际上经已走到衰落尽头个玛雅文明，奈北美洲搭南美洲个广阔土地纳入自家个版图。

哈布斯堡家族统治时期（1516－1700年）

西班牙诸国拉哈布斯堡王室统治时期达到顶峰，随后又陷入衰退。身兼神圣罗马帝国个皇帝搭西班牙诸国个国王查理五世（卡洛斯一世）治理下个西班牙诸国拉欧洲个领土达到极限。

波旁家族统治时期（1700－1808年）

来自波旁家族个费利佩五世是西班牙波旁王朝个第一位国王，由于大部分个阿拉贡王冠诸国贵族拉西班牙王位继承战争中反对波旁王朝出身个费利佩五世，因此费利佩五世继承西班牙诸国个王位后颁布新基本法令，1707年到1716年间相继取消阿拉贡、加泰罗尼亚、巴伦西亚、马略卡等国个议会搭自治立法权，让上述诸国纳入卡斯蒂利亚王冠个管辖，阿拉贡王冠消灭。

西班牙独立战争（1808－1814年）

18世纪搭19世纪之交个法国大革命搭拿破仑战争拉全欧洲引起混乱，西班牙诸国拉拿破仑战争初期站拉法国个对立面，但是西班牙诸国军队个战败促使卡洛斯四世搭革命中个法国结盟。之后，拉1805年个决定性个特拉法加海战之中，法西联合舰队个主力被消灭殆尽，迭又促使西班牙诸国重新考虑搭法国个结盟。西班牙诸国退出大陆封锁体系，而拿破仑搭西班牙诸国又进一步交恶，最终导致法国于1808年入侵西班牙诸国，半岛战争爆发，法兰西皇帝拿破仑一世迫使卡洛斯四世退位，拉马德里扶立渠个兄长约瑟夫·波拿巴（即何塞一世）成为西班牙诸国的国王，颁布巴约讷规约，让西班牙第一次成为迭个国家个正式称呼。

恢复君主制（1814－1873年）

虽然奈法国军队赶出西班牙诸国以后，西班牙诸国议会已经宣誓恪守1812年宪法，但是斐迪南七世公开宣称迭个国家太自由了。渠回到西班牙诸国后，拒绝向宪法宣誓，并继续以渠个祖先个伊种权力专制主义个方式进行统治。

虽然西班牙诸国个伊比利亚本土接受费迪南个迭种态度，但是西班牙帝国个新世界部分对此表示反对。革命爆发。

复辟时期个西班牙（1874－1931年）

虽然前女王伊莎贝拉二世仍然在世，但是渠已经意识到自家可能会再次引起国内个分裂，于是拉1870年渠放弃王位转而支持渠个儿子阿方索，后者正式加冕为西班牙个阿方索十二世。

西班牙第二共和国时期（1931－1939年）

拉第二共和国时期，妇女首次获得普选投票权。同时共和国向巴斯克自治区搭加泰罗尼亚地区下放相当大个自治权。

20世纪30年代，西班牙政坛呈两极分化个局面，左翼搭右翼针锋相对。左翼热衷于阶级斗争、土地革命、推行地区自治搭打击教会搭仔保皇党势力。而右翼政党——其中右翼天主教联盟西班牙自治权利同盟（CEDA）为最大党——则对所有议题侪持反对意见。

佛朗哥时期（1936－1975年）

西班牙拉一战搭二战中侪保持中立，仅于1941年到1943年间派遣由志愿者组成个“蓝色师”协助德国对苏作战，但拉内战期间仍然遭受战火之苦。佛朗哥执政期间，西班牙拉经济搭文化上基本搭外部世界隔绝，但是随着经济个复苏，渠迈出追赶渠个邻国个步伐。

1975年以来个西班牙

西班牙向民主或新波旁王朝个过渡即西班牙摆脱佛朗哥独裁统治，向自由民主国家转变个过程。迭个过渡通常被认为从1975年11月20号佛朗哥去世个辰光开始，到1982年10月28号社会主义个西班牙工人社会党拉选举中获得胜利结束。