龙井茶
龙井茶（杭州话语，[lŏŋ jìʼn żăh]），是产拉浙江个一种茶叶，地方是中间一带，有西湖、钱塘、越州三个产区。龙井茶是中国个名茶之一，属于绿茶。箇里向杭州西湖产区个西湖龙井名气顶大。
西湖龙井
[编辑]茶文化专家考证出来，西湖龙井大概有1500年个历史。唐朝茶学家陆羽拉他个《茶经》里向载“钱塘天竺灵隐二寺产茶”，钱塘就是杭州，天竺寺同灵隐寺全部拉西湖西面。清朝个辰光，乾隆皇帝四卯次拉龙井观茶品茶，拉龙井村题“龙井八景”，封了“[十八棵御茶]”，从拉个辰光龙井开始成为清朝皇家个贡品。
西湖龙井产茶个地方有168平方千米。照产茶个小地方划了狮（龙井村狮子峰个茶“狮峰龙井”，顶好），龙（石屋四山龙井，格里向翁家山个茶同狮峰龙井差不多），云（云栖、梅家坞个茶，产量顶大，叫梅坞龙井），虎（虎跑个茶）四种，只有个四个地方个龙井茶才有资格叫西湖龙井，包装上头会贴原产地个地理标志，让大家晓得个格茶产拉西湖旁边哪里个地方。而且还贴了杭州市质量监督局个二维防伪条码，假如说是明前茶，炒茶个人个名儿还会得拨他贴拉包装高头。
照茶叶采摘时节划为明前茶同雨前茶等：
- 明前茶是清明个之前摘个嫩芽儿炒了来个，明前茶是西湖龙井个顶上品，它个嫩芽儿像莲子个芯，也被叫做莲心；* 雨前茶是清明之后，谷雨之前摘个嫩芽儿，也叫二春茶，是西湖龙井个上品，除了嫩芽还有一芽一嫩叶个或者一芽两嫩叶个。一芽一嫩叶个茶泡拉水里向像展开旌旗个古代个枪儿，叫旗枪，一芽两嫩叶像一个麻雀儿个舌头，叫雀舌。
- 得贸西湖龙井拉每年大概5月1日之后就不摘个，但是现在茶树种植水平提高个，同时也为了保证茶叶个产量，西湖龙井会摘到立夏，格时个茶就是三春茶，品质已经一般般个。过了立夏个茶有茶梗，不好加工做绿茶，只好拨加工成袋茶或者瓶装茶饮料。
由于西湖龙井个新芽儿特别嫩，摘个时候不好用指甲掐，格会留了永久痕迹。正确个摘法是拔出嫩芽儿，相传顶好个新茶要采茶姑娘用嘴唇拨了来。西湖龙井摘了以后要放拉竹筛上头晾个大概半天个辰光，格样可以减少茶中个青草味道，让水分达到炒茶个要求，而且新茶拉炒个辰光不会结团。然后把晾好个新叶大致分类，照叶子个品质档次来决定假格套炒。炒茶用手，工艺包括“抖、带、挤、甩、挺、拓、扣、抓、压、磨”十种手法。过程分成青锅、回潮、辉锅三个阶段：
- 青锅是拉15分钟把茶叶压平，炒到七八成干。
- 回潮是把青锅弄过个茶叶起锅摊平拉竹筛中回潮，大概一个钟头。
- 辉锅是把回潮个茶叶放到锅里向炒干，大概要20分钟。
辉锅完了个茶叶起锅凉了就是成品个西湖龙井了。2007年下半年龙井茶个炒茶技术申报国家非物质文化遗产。[1]
西湖龙井以“色绿、香郁、味甘、形美”著名。吃茶要用80℃个开水拉透明玻璃杯或白瓷杯中泡，泡个辰光可以观茶个形态。上品要用虎跑个泉水来泡，杭州人说“虎跑泉水龙井茶”。
浙江龙井
[编辑]离开西湖产区个龙井茶本来叫湘湖旗枪，现在叫浙江龙井，主要有杭州富阳、萧山个钱塘产区同绍兴个越州产区等。]]。
