衡山公园来勒中国上海市徐汇区广元路、衡山路、宛平路口，面积1.19万平方米[1]（也有讲1.49万平方米[2]），是免费公园。一开始，箇只公园是1926年法租界公董局造个，叫“贝当花园”，1943年改成现在箇只名字。1965年，为咾造地铁1号线，公园关脱，来勒地底下头试挖地铁隧道。1987年，公园整修结束，恢复开放[3]，1991年又来勒公园里向造了只沈钧儒个铜像[2]。公园里向个绿化基本保持原先个布局，三株百年香樟，两株来勒大门西面，一株来勒园东面树丛里向。公园中央有上千平方米个大草坪，乔木、草坪、灌木、花卉组成各色景观。
