虱误

虱误是对电脑程序、系统个错误、缺陷、故障咾啥，譬方产生错脱个或者意外个结果。虱误大多数是程序个源码或者设计有问题造成个，而有種介是因为编译程序编码出错。

效验

有種介虱误只对程序特定功能敏感，为之讲渠好潜伏老长段辰光。严重点个虱误会得引起程序崩溃。 还有眼讴作安全虱误，渠好让恶意用户绕开存取控制器来搞落特权。

辞源

老早子电脑体积来得个大，一眼小虫（bug）会得钻进去，造成故障。1947年9月9号，美国计算机科学家葛丽丝·霍普（Grace Hopper）发现著头一隻电脑里个bug——来拉渠拉马克两号里向。

预防

虱误是程序员失察或者软件小组来拉设计、编码、编集过程中成员间出现误解造成个。

软件业努力寻找预防程序员编写软件个辰光勿当心带进去个虱误：

• 编程风格

• 编程技巧

• 开发方法

• 编程语言支持

• 代码分析

• 测试设备