藏羚羊

藏羚羊（上海闲话：[zɑŋ][liŋ][ɦiã]），学名藏羚，是偶蹄目、牛科、藏羚属动物。生活勒拉海拔4300米到5100米个高山草原、草甸搭仔高寒荒漠浪向。藏羚羊是中国个特有物种，主要生活勒拉青藏高原一带，也有个生活勒拉新疆阿尔金山一带。而这眼地方侪是人迹罕至个，加上植被稀疏，所以上头个物种勿多，因此勒拉无威胁个情况下头却也变成天性适应力强个藏羚羊个天然保护区，因而大量繁殖。

但是藏羚羊近年来一直遭遇盗猎问题，因为一眼皮革爱好者看上仔藏羚羊身上个羊绒 - “沙图什”(Shahtoosh) ，所以藏羚羊亦有「羊绒之王」之称，但是要六只藏羚羊再可以制出一张“沙图什”，于是一眼不法商人搭仔非法猎人便为仔谋取暴利不惜大肆宰杀藏羚羊，分别卖到印度或中国大陆个黑市，特别严重个是勒拉青海个可可西里区。

据数据报道现存藏羚羊数量约为7至10万只，比起半个世纪前头有百万只个情况相当危急，假使讲盗猎情况唔没改善估计廿年内藏羚羊会得绝种。其中以“野牦牛青年队”打击这类非法勾当最为称颂，深受国外国内支持。

由于藏羚羊个独特性，以福娃迎迎成为2008年北京奥运会个吉祥物之一，更以「羊」作谐音意喻「喜气洋洋」。

参见

外部连接

网络追追追 - 可怜藏羚毛
出走藏羚羊档案，存勒互联网档案馆当中。（2007年3月11号）
China.com - 保护藏羚羊
人民网环保专题 - 走进可可西里走近藏羚羊档案，存勒互联网档案馆当中。（2021年3月20号）
Animal Diversity Web
WWF