明神宗

明神宗

明神宗朱翊鈞（“翊”通「翌」）（1573年9月4号－1620年8月18号），是明朝第14代皇帝，年号万历。渠是明穆宗朱载垕个第三子。隆慶六年（1572年）继位，之后统治明帝国将近半个世纪。成为明朝历史浪当皇帝顶顶久个人物。伊统治开始辰光，由自家个老师张居正负责朝政，大权旁落，等张居正死脱，伊开始亲政。弗过老快因为自家后宫搭太子个问题搭文官集团闹翻。之后，长期蹲在紫禁城后宫，弗上朝弗见内阁。个段辰光，明朝面临蛮多外部威胁，万历东征西讨，劳民伤财，到17世纪开始辰光，建州女真个努尔哈赤崛起，立在萨尔浒之战拿明朝军队灭脱，万历晓得消息之后一病不起，嘸多久死脱，伊弗欢喜个长子朱常洛继位，之后明朝朝政开始受到东林党搭阉党个斗争影响，进入历史个挨末阶段。