荷兰加勒比区

荷兰加勒比区（荷兰语：Caribisch Nederland）是属于荷兰本土个三个公共实体：博奈尔、圣尤斯特歇斯搭萨巴个集体名称，又称BES群岛，渠个地名已拉国际标准化组织个ISO 3166-1国际标准注册。

博奈尔拉拉荷兰王国二个构成国阿鲁巴搭库拉索以东，委内瑞拉近岸。圣尤斯特歇斯搭萨巴拉拉荷兰王国构成国荷属圣马丁以南，独立国家圣基茨搭尼维斯个西北。迭三个地区原本为荷属安的列斯一部分，2010年10月10号荷属安的列斯解体后，库拉索搭荷属圣马丁分别成为荷兰王国个构成国，各自拥有独立个内部自治权。而余下个三个荷属安的列斯岛屿直接拼进荷兰本土，成为荷兰加勒比区。