英国入侵拉普拉塔

英国对拉普拉塔河流域个入侵，是英国人勒嗨1806至1807年之间发动个一系列战争，目的是控制拉普拉塔河流域个西班牙殖民地（包括今朝个阿根廷、乌拉圭等国家）。个些战争是拿破仑战争各一部分，当时辰光西班牙是法国个盟友。

侵略分为两只阶段：先是1806年英军占领仔布宜诺斯艾利斯46只日脚，随后是次年英军占领蒙特维迪奥长达几只号头。勒勒第二只阶段当中，英国军队曾经派出一部分力量再次进攻布宜诺斯艾利斯。弗过经过几日巷战，英军伤亡过半，只好撤退。

个记战争是后来个五月革命导火索之一，也是英国大规模介入南美洲内部冲突个标志，往后乌拉圭脱离拉普拉塔联合省独立也是英国个功劳。当时个西班牙自顾不暇，无没力量保卫伊个殖民地，让殖民地人民觉着独立自治是更加好个选择。